إليكم تفاصيل أزمة محمد حماقي وحسن شاكوش

كشف الموزع الموسيقي المصري ​أحمد إبراهيم​، عن تفاصيل الأزمة بين الفنان المصري ​محمد حماقي​ والفنان المصري ​حسن شاكوش​، وذلك من خلال رسالة عبر حسابه الخاص بموقع التواصل الإجتماعي وقال: 'ناس كتير بتبعت لي وبصراحة مبحبش اعلق على عبط وجهل، ولكن عموما ولو انها اتأخرت كتير.

. أخيرا إيقاف المهرجان اياه، اولا بشكر كل الزملاء اخواتنا والصحفيين المحترمين، ثانيا الموضوع سهل من بدري شركة نجوم عندها تصاريح الملحن مدين والشاعر محمد عاطف للشركة بتاريخ 2012، وعندهم مني نسخة موسيقى فقط للأغنية الأصلية ونسخة موسيقية أخرى معزوف عليها اللحن بتاريخ 2012 واضح فيه السرقة بكل بجاحة ومكتوبين نوتة بالوتريات والهارموني واللحن ومسجلين على يوتيوب 2012'.

وأضاف: 'على اساسه تم اعادة تنفيذها من الجانب التركي بمقابل وقريبا هناك نسخة اخرى لنفس العمل في تركيا لنجم تاني.. بالمناسبة اشكر الملحن المبدع الجدع مدين انه مسجل اسمي كمشارك معاه في الاغنية ومسجله في عقد الساسيم فرنسا بصفتي عضو فيها وذلك لحفظ حقوقي باعتباري مؤلف المقدمة والفواصل الموسيقية والوتريات والهارموني للأغنية الاصليه قبل ما هو يلحن عليها لحنه العظيم.. ولولا هذا التصرف كان زماني حاطت ايدي على خدي بتفرج على تعبي وحقي وهو بيروح لغيري بما ان الموزع هنا مالوش حق عكس كل العالم.. وهنا لازم اشكر شركة اربيان رايتس وايمن بهجت قمر اللي ساعدوا ان موزعين كتير بياخدوا ولو جزء من حقوقهم في الاغاني لكن بموافقة الشاعر و الملحن، واخيرا مش هعلق على اسلوب الاخ وعدم احترامه لتاريخ ومشوار المطرب الكبير ولا لصناع الاغنية الكبار وده لأني لا اعتبره زميل اصلا عشان يستحق مني عتاب'.