بالفيديو - نيللي كريم تتحدث للمرة الأولى عن مشاركة زوجها هشام عاشور في مسلسلها

نيللي كريم

حلت الفنانة نيللي كريم ضيفة على برنامج 'أنا والقناع' الذي تقدمه الإعلامية منى عبد الوهاب على قناتي 'الحياة' وcbc، حيث كشفت رأيها في زوجها لاعب الإسكواش السابق هشام عاشور كممثل، مشيرة إلى أنه ليس لديه خبرة، إلى جانب حديثها عن تعرضها للنقد في حياتها.

وقالت نيللي: 'هشام ممثل كويس لكن معندوش خبرة كبيرة، لأن الخبرة بتيجي من كثرة الأعمال، حتى لو الممثل بيشتغل على نفسه وبياخد كورسات ولكن الوقوف قدام الكاميرا مختلف خالص، إلى جانب أن الممثل يلاقي نفسه والدور كل ده بياخد فترة'.

وأكدت أنها لا تفرض رأيها على المخرج قائلة: 'بحب المخرج يكون مسيطر ودايمًا بشتغل مع مخرجين أقوياء'.

وكشفت نيللي كريم عن تجربتها في الفوازير قائلة: 'تعرضت للنقد في بداية حياتي لما قدمت الفوازير ومكنتش أعرف إن في صحافة مهتمة بالفوازير ورمضان، وكنت بقرأ زي أي حد كاتبين عني إيه ومهزنيش الانتقاد، لأني كنت بعمل حاجة نفسي فيها ورغبة طفولية حققتها، وأنا بقرأ كل النقد وبفكر لو حد عنده حق ولا لا ولكن الشائعات بتزعجني.

وأشارت إلى أنها لا تحسب دورها بالمساحة، موضحة: 'دوري مش بيتقاس بالمساحة ومش ببص لها وأنا اشتغلت حاجات بطولة جماعية ويكفيني القصة تكون حلوة ولو فيها شخصيات كتير أحب أعملها مش هختلف'.

كما لفتت إلى أن الشيء الذي ندمت عليه هو أنها لا تقضي وقتًا مع أبنائها بسبب انشغالها بالأعمال.

وكشفت نيللي كريم بعضاً من صفاتها قائلة: 'لما بحس إن بني آدم فهمني غلط بعتذر على طول، مش بقدر أذي مشاعر حد، وباجي على نفسي في حاجات كتير'.

ووجهت نصيحة إلى نفسها، قائلة: 'انبسطي وافرحي والحياة حلوة وما تشليش هم حاجة وكل حاجة بتعدي'.