محمد عطية يتعرض لهجوم بسبب التاتو! – صورة

هجوم كبير تعرض له الفنان المصري محمد عطية، بسبب رسمه لـ تاتو رابع على جسده، يحمل اسم والدته، حيث نشر صورة التاتو وعبر عن سعادته به وحبه الشديد لوالدته.

قال عطية في تعليقه على الصورة: إمبارح عملت رابع تاتو ف جسمي.. أكتر تاتو كان نفسي أعمله.. سامية اسم أمي.. أهم شخص ف حياتي والإنسانة الوحيدة اللي تستاهل يكون اسمها على جسمي ما يطلعش منه.. أمي هي أقرب صديق ليا.. بتعرف تتقبلني مع كل تغيير بيحصل في تفكيري وف حياتي حتى لو مش متناسب مع أفكارها وتقاليدها وعادتها.

تابع: أمي عرفت تعمل اللي أغلب الناس في مجتمعنا فشلوا يعملوه.. قدرت تفهم مقولة من أكتر المقولات اللي صعب الناس تعرف تطبقها وهي لا تربوا أولادكم كما رباكم آباؤكم، فقد خلقوا لزمان غير زمانكم.. أمي عارفة كل أسراري وملجأ ليا في أي أزمة.

اضاف المطرب والممثل الذي بدأ مسيرته ببرنامج (ستار_أكاديمي): مهما كبرت بفضل ضعيف من غيرها.. أي حاجة وصلتلها وأي حاجة قدرت أحققها هي كانت سبب مباشر فيها.. أمي هي الشخص اللي فضل مؤمن بيا حتى في الوقت اللي أنا فيه فقدت الأمل والثقة في نفسي.. أول مكالمة تليفون لأي شغل بيجيلي بتكون ليها.. الدعوة اللي بتدعيهالي في أخر كل مكالمة قادرة تحول أي مشكلة أو هم لشيء سهل وبسيط.. سامية أكتر حد فاهمني ومستحملني بكل عيوبي وأخطائي.

تعرض عطية لهجوم وانتقادات بشكل مباشر على صفحته، حيث كتب أحدهم تعليقاً: أنت حر أولًا وأخيرًا بس متقولش عادي على حاجة بتعملها حرام قول متعملوهاش وادعولي بالهدايا بس كده لكن المجاهرة بالذنب أقبح من الذنب نفسه، كلنا بنغلط بس مش بنقول عادي نغلط ونفتخر قدام الناس ربنا يهديك ويهديني ويهدينا جميعا.

اهتم محمد عطية بالدفاع عن نفسه، حيث رد على التعليق السابق قائلًا: لا أنا بقول اللي بعمله ومش بداریه وفخور بیه ومتحمل نتيجة أفعالي.. ما حدش بيشيل ذنب حد.