تامر حسني يوجه رسالة لمتابعيه في أخر جمعة من شهر رمضان: "تخيل ربنا يغفرلك عمرك كله"

نشر الفنان المصري تامر حسني عبر حسابه الرسمي، منشور وجه من خلال رسالة لمتابعيه بمناسبة حلول آخر جمعة من شهر رمضان، وليلة القدر.

وكتب تامر في منشوره:'صباح الهنا على اغلى الناس النهارده جمعة مباركه و ليله عظيمه مين عارف جايز تكون ليلة القدر ان شاء الله، ايه رأيكم نكثف الدعاء و ندعي لبعض كتير من اول اليوم لآخره ،'

وأضاف تامر شارحاً فضل ليلة القدر وأهميتها، وقال: 'لفت نظري شرح جميل من الدكتور عمرو خالد عن سورة القدر ، و تحديداً آية (( ليلة القدر خير من الف شهر )) يعني الليله دي افضل من تقريباً ٨٤ سنه تخيل ربنا يغفرلك عمرك كله و لو عندك كل السنين دي ، يلا يا جماعه مين عارف مش جايز بدعاك النهارده ربنا يفرح قلبك العمر كله و يحققلك اللي نفسك توصله و يبدل حالك و حال اللي بتحبهم و يسامحك على كل الذنوب اللي انت متخيل انه مش هيسامحك عليها !'

وختم تامر منشوره داعيا متابعيه للدعاء لأهل فلسـ طين بهذه الليلة قائلا: 'ادعوا يا جماعه ربنا غفور و رحيم، و ندعي جامد اوي اوي اوي لاهل فلسـ طين الله يسترهم و ينصرهم و يعوض صبرهم و يحفظ كل شعوبنا العربيه و مصرنا الحبيبه … ربنا يتقبل منا جميعاً ان شاء الله'.