×



تعبر المقالات الموجوده هنا عن وجهة نظر كاتبيها.

تعبر المقالات الموجوده هنا عن وجهة نظر كاتبيها.

بالفيديو - سمية الخشاب تكشف حقيقة خلافها مع وفاء عامر ونصيحتها لشيرين عبد الوهاب

بالفيديو - سمية الخشاب تكشف حقيقة خلافها مع وفاء عامر ونصيحتها لشيرين عبد الوهاب
نشر بتاريخ:  الجمعه ١٤ كانون الثاني ٢٠٢٢ - ٠٩:٥٢
بالفيديو - سمية الخشاب تكشف حقيقة خلافها مع وفاء عامر ونصيحتها لشيرين عبد الوهاب

بالفيديو - سمية الخشاب تكشف حقيقة خلافها مع وفاء عامر ونصيحتها لشيرين عبد الوهاب

سمية الخشاب

حلت الفنانة سمية الخشاب ضيفة على برنامج 'حبر سري' المذاع عبر قناة القاهرة والناس وتقدمه الإعلامية أسما إبراهيم، في الجزء الأول من الحلقة والتي أذيعت أمس (الخميس) ويذاع الجزء الثاني مساء اليوم (الجمعة).

وجهت سمية خلال الحلقة رسالة إلى الفتيات المقبلات على الزواج، مشددة على ضرورة ألا تقل فترة الخطوبة عن سنة أو سنة ونصف حتى يعرف كل منهما الآخر.

وأضافت: 'لازم تكوني واعية وتسألي عشان مفيش حد يقع في مشاكل، لازم تسألي وتعرفي بيعمل إيه حكايته إيه وأخلاقه وعيلته، دلوقتي الخطوبة وكتب الكتاب ورا بعض على طول دي كارثة على الأقل سنة أو سنة ونص، عشان التمثيل بيقل بعد السنة ونص.

كما تحدثت سمية، عن خلافها مع وفاء عامر، بعد أن هاجمتها الأخيرة بسبب علاقتها بأحمد سعد ودافعت عن ريم البارودي، وقالت: 'إحنا مش أصحاب عشان أقاطعها، وأنا لم أهتم وقتها، فيه حاجات مش بديها أكبر من حجمها، كان لازم أرد وأقول اللي بيته من إزاز ما يحدفش الناس بالطوب مثلًا!.. لكن فيه ناس بتحب تزيط عشان يطلعوا تريند'.

وعن فكرة الزواج مرة ثانية قالت: 'أنا مش عايزة أتجوز تاني حرمت خلاص، أنا كده ملكة والزواج نظام اجتماعي فاشل، وأنا مش بفكر في اللي فات ولا اللي جاي وبركز على الحاضر وده أحسن حاجة، وشروطي لو فكرت أتجوز في يوم، يكون طيب، غني، محترم، وكريم'.

وعن فكرة أن تكون زوجة ثانية قالت: 'عمري ما أوافق أكون زوجة تانية لأنه مش صح وبيفشل، أنا مجربتش بس سمعت من اللي حواليا، وشوفنا تجارب فاشلة كتير من صحابنا وقرايبنا وعارفين إنه هيرجع لمراته وأولاده ومش من قلة الرجالة يعني'.

وتابعت: 'ممكن أتجوز رجالة مطلقين إنما زوجة تانية لأ، وأول ما بعرف أنه متجوز بنسى الموضوع تماماً وبسأل أول سؤال أنت متجوز ولا لأ؟ أصل ساعات بيقلعوا الدبلة'.

وعن أزمة شيرين عبد الوهاب وظهورها حليقة الشعر بعد انفصالها عن حسام حبيب، قالت: 'أنا اتصدمت من شيرين عبد الوهاب، لما شوفتها وهي حالقة شعرها؛ لأن زمان لما تقص شعرها كان بيكون جوزها مات في الحرب فبتقص شعرها حزناً عليه، والتصرف دا ليه تفاسير نفسية كتير، وشيرين جميلة بشكلها وإحساسها وإحنا بنعشقها وهي قوية لأنها برج الميزان'.

وواصلت: 'ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا إحنا بنقعد سنين عشان يطول'.

وتابعت: دي مش محنة، دي تجربة وعدت وشيرين هتستفاد منها واللي جاي أحلى من اللي فات، وربنا بيعمل الخير لينا، وإحنا بس اللي بنشوف عكس كدا، لأننا بنبص في إطار محدود، وأنا لا يمكن أعمل زيها، أصل عشان مين؟ محدش يستاهل'.

وردت على سؤال ليه ما اشتغلتيش سينما بعد أفلامك مع خالد يوسف، وليه أفلامك لم تنجح؟، قائلة: اشتغلت أفلام كتير مثل 'ساعة ونصف'، لكن أفلام 'حين ميسرة' و'الريس عمر حرب' و'خيانة مشروعة' لم تتكرر'.

وأضافت: البطولات الجماعية هيّ اللي بتساعد على نجاح الفيلم، مفيش حد بينجح فيلم لوحده، البطل لو طلع عمره ما هينجح لوحده لازم يكون فيه مجموعة عمل متكاملة.

وأكدت سمية الخشاب أنها لا تمانع في العمل مع المخرج خالد يوسف، معقبة: 'لو الورق كويس ليه لأ إيه المشكلة، أي حاجة شخصية مليش علاقة بيها مليش دعوة باللي حصله، أنا بروح الشغل وأروح بيتي، مليش دعوة بأزماته الشخصية'.

مسابح مسبقة الصنع مسابح مسبقة الصنع
Casa Pools

* تعبر المقالات الموجوده هنا عن وجهة نظر كاتبيها.

* جميع المقالات تحمل إسم المصدر و العنوان الاكتروني للمقالة.

* تعبر المقالات الموجوده هنا عن وجهة نظر كاتبيها.

* جميع المقالات تحمل إسم المصدر و العنوان الاكتروني للمقالة.

موقع كل يوم
1

أخبار كل يوم

lebanonKlyoum.com is 819 days old | 158,295 Lifestyle Articles | 7,119 Articles in Jan 2022 | 220 Articles Today | from 20 News Sources ~~ last update: 2 min ago
klyoum.com