داليا مصطفى: طلاقي غير نظرتي للحياة

تحدثت الفنانة داليا مصطفى عن طلاقها وكيف أثر على حياتها وغير منها كثيرا.

وقالت خلال لقائها ببرنامج 'نجوم رمضان أقربلك' مع إنجي علي عبر إذاعة 'نجوم FM': 'طلاقي غير نظرتي للحياة وغيرني وخلاني فهمت حاجات تانية كتير وبقيت أعرف أتعامل مع الناس بشكل مختلف وبقى عندي وعي تاني مختلف، هو درس وأنا بحمد ربنا عليه لأني مقتنعه إن كل صدمة البني آدم بيتعرض لها بيكون فيها هدف أسمى بكتير قدام فالحمد لله وشكرا على كل حاجة حصلت'.

وكشفت داليا مصطفى عن الفنانين الذين وقفوا بجوارها خلال أزمتها قائلة: 'في ناس كتير وقفت جنبي في أزمتي أولهم محمد هنيدي وأحمد السقا ومصطفى شعبان وفي ناس سقطت تماما من حياتي وكانوا أنتيم، اختفوا ولا حتى مكالمة يسألوا فيها إنتي كويسة وإحنا عشرة عمر، ربنا وراني ناس كتير أوي، السنة دي أنا شفت اللي ماشفتوش في حياتي زي ما يكون ربنا بينورلك حاجات في حياتك وأنا مقنعة أنه كله خير'.

وتشارك داليا مصطفى في رمضان 2026 بمسلسلي 'روج أسود' و'اسأل روحك'.

ومسلسل 'روج أسود' بطولة رانيا يوسف، وداليا مصطفى، ولقاء الخميسي، وفرح الزاهد، وأحمد فهيم، وعابد عناني، وأحمد جمال سعيد، وكريم العمري، ومحمد الدسوقي، ومهند حسني، وغادة طلعت، ومي صالح، والطفلة ريم عبد القادر، إلى جانب عدد آخر من الفنانين، والعمل من تأليف أيمن سليم، وإخراج محمد عبد الرحمن حماقي.