هجوم على منزل أيتن عامر وهذا ما حدث!

اعلنت الفنانة المصرية أيتن_عامر، عن تعرض منزلها للهجوم من قبل مجموعة من الأهالي كانت نشبت مشاجرة بينهم وبين أحد العاملين في الشارع الذي تقطن به.

وقالت أيتن، من خلال صفحتها على السوشيال ميديا: 'خناقة تحت البيت أهل الولد اللى كان بيتخانق طالعين يخبطوا على بيتى وفاكرين انه اللى اتخانق مع ابنهم بيشتغل معايا ومخبياه وعايزينى أسلمه ليهم، ومكنش فى حد فى المدخل الوقت ده وطلعوا الدور عندى وخبط فظيع على الباب وعز للأسف مسافر أخدت الولاد وقفلت عليا باب الأوضة'.

واستكملت: 'ومن اللهوجة سبت تليفوناتى برة ملقتش غير الآيباد جمبي ومعرفتش اتصل بحد كتبت أى حد جمبي يجيلى لحد ما فكرت اطلع البلكونة انده الناس يلحقونى'.

تابعت: 'والحمد لله طلعوا وكله تمام اطمنوا، والناس فهموهم أن مفيش حد أصلا تبعى اتخانق واعتذروا ومشيوا المنطقة فيها رجالة'.

أيتن عامر قدمت بطولة حكاية 'وأنا قبلت' من مسلسل 'زي القمر' والتي تناولت قضية الفرق العمري بين الأزواج.

من ناحية أخرى، تعاقدت أيتن عامر، على بطولة مسلسل جديد يحمل اسم 'شهر 10″، وهو مسلسل إجتماعي يناقش ظاهرة انتشار مرض السرطان.