لايف ستايل
موقع كل يوم -مجلة لها
نشر بتاريخ: ٢٨ أيلول ٢٠٢٣
إنجي المقدم
كشفت الفنانة إنجي المقدم للمرة الأولى أسراراً جديدة عن طفولتها وعلاقتها بأهلها، وعن حياتها الشخصية وتعاملها مع أولادها، مشيرة إلى أنها أصبحت متصالحة مع ذاته بشكل أكبر، ولا تتدعي أنها أم مثالية.
وقالت إنجي خلال تصريحات إعلامية: 'كنت مبسوطة أوي بفترة كورونا وقعدة البيت.. وجات لي فرصة إني أقعد مع نفسي، والفترة اللي قبل كورونا.. كنت بهرب كتير وبستخبى وبشغل نفسي، وكان عندي خوف كبير من المجهول والمستقبل وبخاف على أولادي جدًا'.
وعن طفولتها وعلاقتها بأهلها، أضافت: 'الخوف جالي من تروما حصلت لي وأنا صغيرة.. وأخويا اتوفى وأنا عندي ست سنين قدامي ودي كانت حقيقي صدمة، وخناقات أبويا وأمي مع بعض وطلاقهم وأنا عندي 14 سنة ده بردو سبب ليا تروما.. وتعرضت للتنمر وأنا صغيرة في النادي والمدرسة'.
وعن علاقتها بـ أولادها، أوضحت إنجي: 'مبحاولش أدعي إني أم مثالية وبتكلم وبقول كل حاجة لأولادي، وعايزة أكون عايشة في سلام داخلي اللي جوا زي اللي برا عندي.. وعايزه اتحرر وأكون حرة'.
وعن أصدقائها وعلاقتها بهم، استكملت إنجي حديثها: 'مازلت كل يوم اتعلم حاجه جديدة أو أغير حاجة جديدة، وصحابي متغيروش، ولكن في جزء منهم اتغير شوية بشوية.. مبقتش كائن اجتماعي أوي بقى عندي وقتي معظم الوقت أنا لوحدي تماماً، ووصلت لمرحلة إني بحب نفسي ومتصالحة مع نفسي'.