زينة: اتعرض عليا المشاركة في مسلسل تركي

كشفت الفنانة زينة أنها تلقت عرضا للمشاركة في مسلسل تركي.

قالت زينة في لقاء مع ET بالعربي: 'اتعرض عليا مسلسل تركي قريت السيناريو بس هما بيعملوه بطريقة مختلفة شوية، بيكتبوا 5 حلقات وبعدين وإحنا شغالين يكتبوا باقي الحلقات، أنا معرفتش خصوصا الدور طالعة مصرية لسه بشوف وإن شاء الله يبقى فيه حاجة كويسة'.

وأوضحت زينة أن تصوير الجزء الثاني من مسلسل 'العتاولة' مستمر ليعرض في رمضان 2025، وعن عدم مشاركة الفنانة فريدة سيف النصر في الجزء الثاني قالت: 'هنفتقدها جدا أنا عن نفسي بحبها جدا، لكن فيفي عبده مش هتكمل دورها محدش بيكمل دور حد الناس اللي جات جديد هي أدوار تانية خالص، دايما الأجزاء التانية كده، وفيفي عبده في الكواليس عسل'.

على جانب آخر، تنتظر زينة عرض أحدث افلامها 'الدشاش'.

فيلم 'الدشاش' بطولة محمد سعد، زينة، باسم سمرة، نسرين أمين، نسرين طافش، خالد الصاوي، أحمد الرافعي، مريم الجندي، تأليف جوزيف فوزي، وإخراج سامح عبد العزيز، وإنتاج محمد رشيدي.

من المقرر طرح فيلم 'الدشاش' في دور العرض المصرية بتاريخ 1 يناير المقبل، وفي سينمات الدول العربية بتاريخ 15 يناير.

ويعود محمد سعد للتعاون مع زينة في فيلم 'الدشاش'، بعد تعاونهما في السابق في فيلم 'بوشكاش' من إخراج أحمد يسري، وتأليف أحمد فهمي، وشارك في بطولته عزت أبو عوف وإدوارد وسعيد طرابيك.