أحمد عبد الحميد متحدثا عن مرض ابنته الرضيعة: بطلوا تسألوني عليها

كشف الفنان أحمد عبد الحميد تطورات حالة ابنته الرضيعة الصحية، طالبة من الجمهور الدعاء لها وعدم سؤاله عنها.

كتب عبد الحميد عبر حسابه بموقع Facebook: ' ليلى النهاردة تمت شهرين، شهرين من غير ما احضنها حضن واحد، من غير ذكريات كتير كنت فاكر إني هبنيها معاها مشفتش منها غير وجع قلب بس، مبقتش برد على حد يقولى بنتك عاملة إيه من كثر الإحباط ومن كتر ما بقول إنها مش كويسة ومفيش جديد'.

وتابع أحمد عبد الحميد: شهرين وأهم دكاترة في مصر مش عارفين يشخصوا حالتها عالأقل، وده مش تقصير منهم لكن إرادة إنها حالتها تكون جديدة ومحيرة كده، طرقت كل الأبواب مع ربنا والله وعلى قد ما قدر مقصرتش وهفضل أسعى مع ربنا لعله يجبر بخاطري أنا وأمها.

وتابع أحمد عبد الحميد: والنبي يا جماعة افضلوا ادعوا لها كل ما تقدروا وبطلوا تسألوني عليها، أفضلوا ادعوا لها وهي أول ما هتكون كويسة أو في أمل أنها تبقى كويسة أنا مش هتردد ثانية إني أفرح بـ ده وأقول للدنيا كلها بنتي خفت وجت في حضني، وإن شاء الله يتقبل دعواتكم ودعواتنا.

يذكر أن أحمد عبد الحميد يشارك في فيلم 'نجوم الساحل' المعروض حاليا في دور السينما، وتدور أحداثه حول حفلة في الساحل ينظمها أحمد داش ومايان السيد وسط قصة حب معقدة تربط بينهما، ويشاركهم الحفلة كل من علي صبحي، أحمد عبد الحميد، علي السباع، مالك عماد، تميمة حافظ، وفليكس.