عمرو محمود ياسين يعلن انتهاء الموسم الرابع لـ«نصيبي وقسمتك»: كل الحكايات كتبت وصوّرت على الهواء

أعلن السيناريست عمرو محمود ياسين انتهاء الموسم الرابع من مسلسل «نصيبي وقسمتك»، موجهاً رسالة شكر لكل المشاركين على كل المستويات، بمناسبة انتهاء تصوير آخر حكايات المسلسل «واللي ما يشترى يتفرج».

وأشار عمرو ياسين إلى الجهد الذي تم بذله في حكايات المسلسل وانتهاءً بآخر حكاياته، عَبرَ رِسَالة مُطَوّلة على حسابه على «فيسبوك»، نشر معها صوراً لملصقات القصص الثمانية التي جاءت ضمن أحداث المسلسل، وعلق عليه قائلاً: «فركش... أخيراً مسلسل نصيبي وقسمتك 4... بأمانة شديدة إحنا كان معانا وحوش مش كروو، بجميع الأقسام، من إنتاج وإخراج وتصوير وإضاءة ومونتاج صوت ومكساج وديكور وملابس ومكياج وبوفيه سواقين». وتابع: «وطبعا كمان الممثلين بكل حكاية، بصراحة كانوا بييجوا بنعذبهم والضحايا كتير، بس الناس لازم تعرف إن كل الحكايات اتكتبت ع الهوا، اتصورت ع الهوا، اتمنتجت ع الهوا في سباق رهيب مع الزمن لم أراه من قبل، شيء محدش يقدر يتخيله، بجد اللي حصل في المسلسل ده محدش يتخيله لأننا اضطرينا نشتغل في توقيت معين، وأخدنا الريسك، فنأسف لو في أي تقصير، من أي حد فينا».

وأكمل: «أنا عايز أشكر كل الناس فرد فرد لأن كلهم كانوا أبطال، وبيشتغلوا بـ٣٠ ساعة وأكتر، بس أحب أشير للدايرة القريبة مني في الشغلانة اللي هما كانوا أكبر عون لي، وكنت بتعامل معاهم طول الوقت، وهم المنتج المحترم وصديقي أحمد عبد العاطي، شريك الرحلة اللي بنشيل الهم سوا، والمخرج المنفذ أحمد عمر اللي بينيمني ويصحيني ع مزاجه ويرسم لي الطريق أعمل إيه ومعملش إيه، المشرف العام على الإنتاج ماجد جاب الله المنتج الفني أيمن شوقي، ومدير إدارة الإنتاج وليد الحسيني اللي دايما بيطمني إنه كله تمام حتى لو مش كله تمام بس بيعالجني نفسيا، ومدير الإنتاج أيمن عباس وجميع أفراد طاقم الإنتاج، مهندس الديكور رمسيس سليم ومهندس محمد المغازي اللي فجاه بطلب منهم تغيير أوضة نوم لقسم شرطة عادي وباقي أفراد قسم الديكور الرائعين، منسقين مناظر هاني سلطان وسامي حميدة ».

واستطرد: «ستايلست حسن مصطفى اللي بياخد البريف لاست مينت وبيسد عادي وجميع مساعديه، ومصمم صوت ومكساج العالمي م علي السعيد، مهندس الصوت محمد زكريا ومساعديه، وأسيست محمود والمونتيرة المتمكنة جدا منه جاب الله وأي عبد العزيز ومصطفى عماد ويوسف عادل اللي صمم هذه الأفيشات الرائعة، بروموهات وليد أبو العنين وبوبا دياب ميكاب آرتيست وجميع مساعديها».

وزاد: و«كوافير إسماعيل الإسكندراني، وإكسسوار هاني جمال، وبوست برودكشن خليفة السيد وطاقم الإخراج الرائع الوحوش بجد وحوش، مساعد أول مصطفي الجمال، وضياء سيف ومي وائل ومأمون شديد وإسلام ناصر بجد ليهم ألف تحية، عمود العمل دو وجميع من عمل بالإخراج».

فركش اخيرا مسلسل نصيبي وقسمتك ٤ بأمانه شديده احنا كان معانا وحوش مش كروو .. بجميع الاقسام. من انتاج .. إخراج.. ...

واختتم رسالته المطولة: «مدير التصوير المتميز هيثم ناصر والمخضرم عماد عثمان، وحسن زيدان ومحمد شديد وجميع طاقم التصوير، وكاستنج دايركتور محمد حجاج، طبعا الأسماء دي مش بذكرها مش عشان هي الأهم بقدر ما أن دول الناس اللي كنت بتعامل معاهم طول الوقت بشكل مباشر، وأخيرا وليس آخرا المخرجين الرائعين. الأستاذ عصام نصار والأستاذ محمد الخبيري والأستاذ رامي رزق الله، اللي قدروا يقدموا حكايات جميله في ظروف صعبه جدا وسكريبت مش خلصان لكن كانوا في ضهري وقدموا شغل رائع، كل التحيه لهم والتقدير والف شكر للجمهور الرائع ع الدعم والمساندة».