أسما شريف منير تواصل الحديث عن طلاقها: النهايات أخلاق مش ادّعاء

تواصل خبيرة التجميل والإعلامية المصرية أسما شريف منير الحديث عن الحالة التي تمرّ فيها بعد إعلان انفصالها قبل أيام من الممثل محمود حجازي.

وعلقت منير في منشور دونته عبر صفحتها الخاصة على إنستغرام، مساء الجمعة: 'دايمًا لما اتنين بيسيبوا بعض كل واحد فيهم بيبقي عايز التاني يحس إنه تعبان من غيره، أو في حال أوحش، عشان يعرف يعدي ويقوم، هكدب عليكم لو قلتلكم محستش كده!!'.

وأضافت: 'بس بما إني مركزة مع تجربتي المرة دي عشان فعلاً عايزة أتعلم وأقوي بجد، قعدت أحلل الإحساس ده بكل تفاصيله لحد ما وصلت إن لو فعلاً الواحد في يوم حب إزاي ممكن يتمني لحد حاجة زي دي، إيه الأنانية دي؟ حتي لو اتأذيت ليه أوصل إني أتمني أن الشخص التاني يتعب عشان يحس بقيمتي!'.

وأكملت ابنة الفنان المصري شريف منير: 'ده إحساس مؤذي وده مش طبعي، فهذبت نفسي ولومتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص'.

وواصلت: 'تكون النهايات أخلاق مش ادعاء، لكل ست في نفس الموقف لو حسيتي بكده اقفي مع نفسك! وقفي نفسك، وغيري التفكير ده من جذوره و دعي الخلق للخالق، ركزي في ازاي تقومي بطريقة صحية واتمني لغيرك اللي تتمنيه لنفسك عشان: ‏'‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا' سامحي حتي لو مش انتي اللي غلطانة، إن الله غفور رحيم' (لا تنسوا الفضل بينكم).

وكانت أسما شريف منير قد كتبت عقب انفصالها عن زوجها الفنان محمود حجازي، الاثنين الماضي، عبر 'الستوري' على إنستغرام: 'ياريت بعد إذنكم تحترموا خصوصية الموقف من غير شائعات ولا اجتهادات ولا أسئلة محصلش نصيب بكل احترام ونقطة، ربنا يكرمنا إحنا الاثنين بس كده مفيش أى تفاصيل تانية إحنا كان في بنا عشرة وعيش وملح وأكيد مش هنتكلم في تفاصيل بيتنا'.