محمد هنيدي ضحية مقلب رامز عقله طار: صغير الحجم كبير الموهبة

وقع الفنان محمد هنيدي اليوم، ضحية حلقة اليوم التاسع من برنامج رامز عقله طار الذي يقدمه الفنان رامز جلال، وهي واحدة من أكثر الحلقات المنتظرة هذا الموسم، خاصة وأن هنيدي أعلن مسبقا عن مشاركته في البرنامج.

رامز جلال تحدث عن مكانة محمد هنيدي في عالم الكوميديا بطريقته السخرة قائلا: كوميديان رسم خريطة الكوميديا في التسعينات بعدما كان النجم لازم يكون طوله كبير دلوقتي ممكن يبقى قد كفة الأيد، منى زكي وقعت في غرامة شلال الضحك لا ينطفئ في الآونة الأخيرة أصابته، لعنة السوشيال ميديا أفلام يعمل إعلانا شغال بقوله فوق لنفسك الفلوس مش كل حاجة، معانا سعيد السينما المصرية صغير الحجم كبير الموهبة محمد هنيدي.

وأضاف رامز جلال ساخرا من ملابس محمد هنيدي: الله أكبر حاكم جزيرة الحرنكش داخل علينا، وايه السواد دا لابس بدلة غطس ولا مايوه شرعي، وايه الكاسكيته دي دي بتاعت الكابتن حلمي طولان.

وتابع: ايه الجزمة دي يا هنيدي دي مش جزمة دا لابس تريليتين في رجله'، موضحًا: 'ملاقيناش مقاسه في الفيستات فجبناله مقاسه من OUR kids'.

وأكد هنيدي عشقه للحيوانات الأليفة وخاصة الكلاب قائلا: الكلب بتاعي اسمه بطاطس'، ليرد عليه جلال، قائلا : بينام في زيت قلية.

وخاض هنيدي مغامرة لعبة 'بينت بول'، بحماس ولكن رامز تربص به ووجه له عدة طلقات موجعة، وظل هنيدي ينادي على مقدم البرنامج العسيري قائلا: لا يا حسن في ضرب بجد، فين حسن هو مات ولا ايه، اتلسعت واحدة جت في جنبي بس الحمدلله.

وسخر رامز من هيندي قائلا: هنيدي لو بقي سلعة هيبقي بطارية قلم.

الروح الكوميدية لمحمد هنيدي السائدة طوال جولته بمدينة الألعاب الترفيهية اختفت فور دخوله كبسولة الهوب دروب، فمع تعالي الصرخات شعر بالخوف وطلب إيقاف اللعبة فورا، وظل رامز متقمصا شخصية الضيف الهندي يضايقه طوال المقلب، ليرد عليه هنيدي متوترًا وخائفًا ويتنفس بصعوبة: لا لا لا يا جماعة أوع إيدك ياعم أنت، مضيفًا: لأ يا جماعة بس بقى.

وعقب فتح باب غرفة 'كبسولة الهوب دروب' قفز محمد هنيدي مسرعًا؛ ليهبط في حمام سباحة، ومن خلفه رامز جلال.

وبعد ذلك خرج هنيدي من حمام السباحة؛ ليدخل في صدمة عقب اكتشافه وقوعه ضحية لرامز جلال في برنامج 'رامز عقله طار'، قائلًا: ايه اللي حصل دا ايه اللي حصل.

هنيدي واجه الصدمة بالقليل من الصمت وبعدها دخل في موجة ضحك مع رامز جلال وظل يردد: حروح مبلول كدة، وأكد إنه فخور بقفزته، واستغل تواجده في الأراضي الطاهرة داعيا لرامز جلال بالهداية وأن يتوقف عن تقديم هذه المقالب.