كريم محمود عبد العزيز يوجه رسالة حب ودعم لزوجته في "هي وبس" مع رضوى الشربيني

فاجأ النجم كريم محمود عبد العزيز زوجته آن الرفاعي بمكالمة هاتفية خلال حلولها ضيفة على برنامج 'هي وبس' الذي تقدمه الإعلامية رضوى الشربيني، احتفالا بإصدارها لمجموعة أزياء جديدة نسائية ورجالية'

قال كريم عبد العزيز خلال المداخلة: 'أول حاجة جت على بالي لما قالت لي على خط الأزياء، إني أكيد هشجعها، لإنه بقيت بحب الست لما بتشتغل، يمكن زمان ماكنتش مدرك الحكاية دي، لكن مع الوقت بقيت حابب جدا فكرة إن الست تشتغل، وليها شغلها الخاص وتطلع أفكارها وتبدع في الشغل بتاعها، لإن أنا بحترم اللي بتشتغل عامة'.

وتابع كريم محمود عبد العزيز حول إن كان من الممكن أن يستعين بتصاميم زوجته آن الرفاعي في أي عمل فني، قائلا: 'آه طبعا، احنا بناخد رأي بعض في كل حاجة سواء شعلي أو شغلها، ودا طبيعة الحياة اللي المفروض نكون عايشين فيها، لأن مافيش فينا حد هيكدب على التاني، لأن عايزين كل واحد فينا ينجح ويكسر الدنيا'.

واختتم كريم عبد العزيز المكالمة قائلا: 'بحبك وإن شاء الله المشروع بتاعها يكسر الدنيا أكتر من كدة، ونوصل للعالمية'.

يذكر أن كريم محمود عبد العزيز شارك جمهوره عبر صفحته الرسمية بموقع التواصل الاجتماعي إنستجرام صورة تجمعه بزوجته، مع رسالة رومانسية يقول فيها: 'أحبك'.

ويأتي ذلك بعد الشائعات التي انتشرت في الفترة الماضية عن انفصالهما، وارتباطه بالنجمة دينا الشربيني.