لايف ستايل
موقع كل يوم -مجلة لها
نشر بتاريخ: ٨ كانون الأول ٢٠٢١
أمينة خليل
حلت الفنانة أمينة خليل ضيفة على الإعلامي أنس بوخش ببرنامج ABtalks المذاع عبر قناته الرسمية على 'يوتيوب'، حيث كشفت عن العديد من الجوانب الشخصية في حياتها، وعلاقتها بعائلتها.
قالت أمينة: 'اشتغلت جرسونة في نيويورك وأهلي كانوا حريصين إني أعتمد على نفسي وأنزل أشتغل غرسونة وأنظف الحمامات عشان أتعلم قيمة الجنيه وعملت ده'.
وتابعت: وعشان أنا واحدة طايشة وبحب التسوق فصرفت فلوسي كلها على التسوق، وطلبت من بابا يبعتلي فلوس عشان خلصت فلوسي رفض بس أخدت من ماما في النهاية، أكيد مش هتسيب بنتها في غُربة من غير ما تساعدها'.
وقالت: 'طول عمري مناخيري كبيرة وكانت مضيقاني في الصور زمان ولما دخلت السينما كانت بتتقالي مش عارفين نودي الكاميرا فين من مناخيرك'.
وأضافت: 'عندي عقدة نفسية من كِبَر حجم أنفي، وقررت الخضوع لعملية تجميل، حتى أنتهي من تلك العقدة في حياتي'.
وذكرت: 'عندما قررت تغيير شكل أنفي وقلت لماما إن ده شيء مضايقني جدًا وحجزت الميعاد مع الدكتور لحد ما قبلها بيومين وقعت من على السلم واتخبطت في وشي فكان عندي زرقان وورم وكلمت الدكتور وقالي مقدرش أعمل العملية لازم تخفي الأول، وأنا خدتها إشارة من عند ربنا بأن أبدأ العمل على ثقتي في نفسي، وقولت أنا هتريق على نفسي قبل ما تتريقوا عليّ، وبقيت ببرز أنفي بشكل أوضح أمام الجميع'.
يذكر أن آخر أعمال أمينة خليل، مسلسل 'خلي بالك من زيزي' وشاركها البطولة محمد ممدوح، وعلي قاسم وصفاء الطوخي وسلوى محمد علي ونهى عابدين وبيومى فؤاد، تأليف ورشة سرد إشراف على الكتابة مريم نعوم، سيناريو وحوار منى الشيمي ومجدي أمين، وإخراج كريم الشناوي.