إيناس عز الدين تكشف عن أيام الرعب في شقتها «المشؤومة».. صراخ سيدة وقتل القطط

كشفت المطربة إيناس عز الدين عن تفاصيل مرعبة مرت بها في شقتها الأخيرة، تفوق أحداث الرعب في المسلسل الشهير «غرفة 207»، وأكدت أن المنزل كان مشؤوماً، وغادرته بأعجوبة إلى منزل جديد برفقة زوجها الفنان أحمد قمر، بعد شهر من الأحداث المرعبة فقدت فيه العديد من قططها في ظروف غامضة.

إيناس روت القصة كلها في الساعات الأولى من صباح اليوم الثلاثاء عبر حسابها على موقع الفيس بوك قائلة: «مش عارفة، مش مصدقة، وحاسة إني بحلم، بس ده حصل بجد، أنا نقلت السكن وخرجت أخيراً من الشقة المشؤومة على خير، مش قادرة أحكي آخر شهر حصلي إيه فيها من ساعة ما أجرت الشقة الجديدة وقررت إني أنقل، وكأن اللي في الشقة قرروا يوروني أنا وأحمد الوش الوحش».

تابعت قائلة: «حرفياً اللي حصل عايز مجلدات وحلقات علشان يتحكي فيها من صعوبته، خرجت منها أنا وجوزي وكلبتي الجريفون الصغنونة وجزء من قططي، بعد ما جزء منهم مات بطرق بشعة ومخيفة ومرعبة، منها اللي صحينا لقيناها متجمدة ومتلجة كأنها كانت محطوطة في فريزر على وضع نومتها زي ما هي، والتانية رجعنا من برة لقينا ديلها فقط مرمي على جنب والدم مغرق الشقة، وملقيناش باقي جسمها ولا حتى عضم ولا أي أثر، والتالتة كنت بلاعبها وشايلاها سيبتها ودخلت الحمام دقيقتين وطلعت لقيتها غرقانة في طبق المية بتاعهم إزاي معرفش، وكأنها متغرقة من مدة وقربت تتحلل، رغم أنها من دقيقتين كانت في حضني، ده غير شرز النار اللي كان بيطلع من فيش الكهرباء، ولا إزاز العفش والمرايات كلها والنيش اللي اتكسروا واتدشدشوا، وصوت الست اللي ليل نهار تصوت في الشقة».

أضافت إيناس عز الدين قائلة: «والله العظيم أنا وأحمد عشنا شهر رعب، يعني السنة وشهرين اللي قعدناهم في الشقة دي بكل اللي شوفناه فيها في كفة، واللي شوفناه آخر شهر في كفة تانية، وختمت بالمليون إن العتب أقدام، وإن فيه ما ورائيات كتير، طول عمري كنت بستهزأ بالكلام ده لحد ما شوفته وعيشته بنفسي، دعواتكم ربنا يجعل قدم الشقة الجديدة خير».

ورداً على تعليق سأل عن كيفية وجودها داخل هذه الشقة لمدة عام كامل قالت إيناس: «منهم ٨ شهور انا كنت في الإمارات وممنوعة من الرجوع لمصر بسبب بلاغ كيدي، وأول يوم دخلت فيه الشقة قعدت أرجع دم واتنقلت المستشفى، وعملت عملية فتق حجاب حاجز، ده جزء صغير قوووووي».

وأضافت إيناس قصة أخرى عن علاج الأرواح بالقرآن قائلة: «الشقة دي أول ما سكنتها عملت فيها كده مش عايزة أقولك الموبايل اللي كنت بشغل منه سورة البقرة فجأة طفى وبطل يشتغل نهائي».

وللاطلاع على فيديوغراف المشاهير زوروا «تيك توك سيدتي»