عاصي الحلاني: دخلت بالكوما وابني واعتقد أنني مت

استضاف الإعلامي اللبناني رودولف_هلال النجم اللبناني عاصي_الحلاني في الموسم الثاني من (المجهول) وحققت الحلقة تفاعلًا كبيرًا ونسبة مشاهدة عالية بسبب جودة الأسئلة والاعداد واجابات العاصي الصادقة.

خلال الحلقة تحدّث الحلاني عن حادثة الحصان لأول مرة، وقال إنه نزف كثيرًا آنذاك وعانى من ضربة في خرزقة رقبته اضافة الى كسر في يده، وقال إن ابنه الوليد شاهد كل ما حدث وحين أسرع لمساعدة والده سمع الناس يقولون الله يرحمه واعتقد الوليد بأن العاصي قد فارق الحياة

وقال عاصي: (مرحلة ما بين ٢٠١٢ لل ٢٠١٦ كانت من اجمل المراحل عمليًا ومن اصعبها صحيًا عملت ٤ عمليات جراحية بالورك وبقيت عاصي لكن انا صحيًا ما كنت منيح.. كانت مرحلة صعبة وصرت اخد جرعات لتخفيف الوجع. كنت عن باخد كورتزون بهيدا الوقت وصاروا يقولوا عم بعمل بوتوكس وانا بحياتي وحياة ولادي مش عامل ابرة بوتوكس.. كنت روح اعمل عملية اقعد ١٠ ايام بالمستشفى ما خبر اخواتي وقول لكوليت ما بدي خبر حدا خصوصا اخواتي البنات ما بحب ضايقهم)

وتابع: (حادثة الخيل كانت قاسية تعثر الحصان وحاولت ارمي حالي لكنه قلب عليي وزنه ٨٠٠ كيلو والوليد كان على حصان تاني وبقيت ٢٤ ساعة بالكوما وفاقد للوعي بينزل الوليد عن حصانه وعم بيجرب يوعيني كان نازل الدم من فمي وصاروا الناس يقولوا الله يرحمه وحملني بسيارة للمزارعين واعتقد اني مت ونقلني على البيت ومن بعدها على الجيب وكنت اكل ضربة على خرزة الرقبة وكسر باليد)

وأضاف: (مش خايف من بكرا ومن الشغل ومن الحياة الخوف على انو ما اقدر شوف ولادي مرة تاني لان جربت هالشي وعشته.. انا خسرت خيي كان شاب واصغر مني وكان من اسوأ شي مر بحياتي.. صار الفراق بالنسبة الي صار وجع بحد ذاته)