خاص ياسر جلال عن غيابه عن السينما: عندي مشروعين مستني الفرصة

يغيب الفنان ياسر جلال عن السينما منذ سنوات طويلة فكان آخر فيلم قام ببطولته 'شد أجزاء' عام 2015، كما ظهر فقط ضيف شرف في فيلم 'سبع البرمبة' عام 2019، وكشف ياسر جلال سبب غيابه عن السينما.

وقال ياسر جلال لـFilFan.com: 'السينما أنا عندي مشروعين مستني الفرصة عشان اعملهم ويطلعوا بشكل كويس، لكن شغل الدراما التليفزيونية واخدني جدا كل سنة بقعد أحضر شغلي واتعب فيه عشان يطلع كويس ويحترم عقلية المشاهد ويكون فيه رسالة تفيد الناس وبياخد كل وقتي'.

وتابع: 'إن شاء الله لما تتوفر الفرصة أن يكون في عمل سينمائي حلو ومحترم إن شاء الله هعمله ويتوفر وجود دعم موزع قوي ومنتج قوي'.

يذكر أن ياسر جلال يشارك في رمضان 2024 بمسلسل 'جودر: ألف ليلة وليلة'.

وكشف ياسر جلال في حواره مع FilFan.com سبب اعتذاره في البداية عن عدم المشاركة في المسلسل البداية ثم موافقته وقال: 'لما اعتذرت عن مسلسل 'ألف ليلة وليلة' أول مرة كان لتخوفي من العمل حسيت إنه مسئولية كبيرة وعمل كان صعب وكنت خايف يطلع مش على المستوى المطلوب ولكن بعد فترة طمني الأستاذ محمد السعدي وطمني الأستاذ تامر مرتضى ومعاهم الأستاذ إسلام خيري إن العمل مكفول ليه كل عوامل النجاح وهيتعمل على الوجه الأكمل كل دا شجعني إني أرجع وأعمل المسلسل'.

ومسلسل 'جودر' يتكون من 15 حلقة، وهو مستوحى من حكايات ألف ليلة وليلة، وحمل في السابق هذا الاسم مبدئيا، والعمل بطولة ياسر جلال، نور اللبنانية، ياسمين رئيس، أحمد فتحى، هنادى مهنا، وفاء عامر، عبد العزيز مخيون، علي صبحي، وليد فواز، ياسر الطوبجي، أحمد كشك، عايدة رياض، جيهان الشماشرجي، محمود البزاوى، مجدي فكري، وتأليف أنور عبد المغيث، وإخراج إسلام خيرى وإنتاج شركتى ميديا هب سعدى – جوهر، وأروما للمنتج تامر مرتضى.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل