مروة صبري توجه رسالة لـ دنيا بطمة: التجميل الزيادة صعب

تحدثت مقدمة البرامج مروة صبري عن المطربة المغربية دنيا بطمة بعد تصدرها التريند بسبب أحدث ظهور ولها وتغير شكلها.

وقالت مروة صبري خلال برنامجها 'قعدة ستات': 'المطربة المغربية دنيا بطمة دايما بتحب تطلع للناس وتقول كل حاجة وأنا بحترمها الصراحة بحترم صوتها وأغانيها والأكتر جرأتها وصراحتها أي فنان النهاردة لما تيجي تسأله أنت عملت تجميل يقول لأ بشرب مايه وبلعب رياضة وباكل تفاح أخضر'.

وتابعت مروة صبري: 'دنيا بطمة بتطلع تقول بالتفاصيل هي عملت إيه أكيد كنتي حلوة ولكن بقيتي أجمل وأحلى بس التجميل الزيادة صعب يعني دنيا بطمة طالعة بفيديو مصوراه في لندن أوفر تجميل رهيب واحدة تانية خالص مش بس في وشها كمان في جسمها، إنتي حرة تغيري في شكلك زي ما إنتي عايزة أنه تحلي نفسك تجملي نفسك ولكن فكرة أن أنتي تشوهي نفسك بالتجميل لأ مش حلو، الفيديو اللي شفناه مش حلو أبدا كان صعب شوية وزيادة شويتين وخصوصا أن أنتي من المطربات المحبوبين جدا وليكي جمهور كبير جدا فواحدة واحدة كده في موضوع التجميل دا'.

كانت دنيا بطمة ظهرت بإطلالة مختلفة وبزيادة وزن واضحة وتغيير في شكلها.

أطلت دنيا بطمة بملابس رياضية باللون 'البيج الفاتح' وتركت شعرها ينسدل ناعما على كتفها.

على جانب آخر، تخوض دنيا بطمة تجربة التمثيل من خلال فيلم 'البوز'.

وتدور قصة فيلم 'البوز' لحول قصة صعود فتاة شابة تمتلك موهبة غنائية إلى القمة، ويشاركها البطولة شقيقتها ابتسام بطمة و بشرى أهريش، وخديجة سكارين، و مراد العشابي، فاتي جمالي.