فيديو – عمرو سعد من وقفة عرفات: أحمد السقا وحمادة هلال ساعدوني في مناسك الحج

شهد موسم الحج هذا العام لقاء مجموعة من نجوم الفن خلال وقفة عرفات، ومنهم أحمد السقا وعمرو سعد وحمادة هلال.

وقال عمرو سعد في تصريحات لقناة MBC مصر: 'أول مرة السنة دي بالنسبالي، بس أحلى حجة مع حبايبي وإخواتي وربنا يتقبل منا ومنكم'.

وأضاف عمرو سعد: 'حاجة جميلة وتنظيم رائع، وعشان أول مرة بالنسبة لي ومش عارف المناسك أوي باسأل السقا وحمادة'.

من جانبه أعرب حمادة هلال عن سعادته بلقاء زملائه في الحج قائلا: 'الحمد لله أنا حجيت قبل كده، بس الحجة دي مختلفة، عشان خاطر فيها أخويا النجم الكبير أحمد السقا، وحبيبنا والنجم الكبير عمرو سعد'.

ووصف أحمد السقا مشهد وقفة عرفات قائلا: 'مشهد روحاني لا يوصف ربنا يكتبها للمسلمين أجمعين، دي مش أول حجة لكن تختلف لظروف الصحبة الجميلة'.

وتابع أحمد السقا: 'الحمد لله السنة دي كانت ميسرة في حاجات كتيرة بفضل الله تعالى، والحمد لله كنا من المصطفين من قبل ربنا سبحانه وتعالى حمادة وعمرو والعبد لله وصديقنا محمد بكير'.

ويتواجد في الحج هذا العام عدد من النجوم، ومنهم أحمد سعد، وماجد المصري، وريهام حجاج، ونور قدري.