علاء مرسي يحكي اكتشافه لمواهب أطفال الشوارع: واحد سبتني

حكى الفنان علاء مرسي عن مشروع يقوم به لمساعدة أطفال الشوارع واكتشاف مواهبهم الفنية، وموقف تعرض له مع أحد الأطفال الذي حاول سرقته في البداية ثم تحول بمساعدته إلى شاعر.

وقال علاء مرسي خلال لقائه في برنامج 'ليالي TEN' من تقديم بوسي شلبي: 'أنا جريت ورا المواهب اللي في الشارع وكونت فرق ومجموعات، ومرة واحد فيهم سبتني وأنا ماشي بالعربية في محافظة ما، كنت قاعد في العربية ودخل عليا بحاجة مكنش يعرف أنا مين ونزلني من العربية لكن لما عرف رحب بيا'.

وتابع علاء مرسي: 'قلت له هديلك اللي أنت عايزة بس أنت صعبان عليا وعرفته أنا هنا ليه وإني عايز أساعده، سألته يجي معايا قالي أنا شاعر وقالي شعر أقرب إلى الزجل، أخدته معايا وفي أول بروفه لقيت كل الموبايلات اختفت، مسكته قلت له رجع الموبايلات كنت هتبعيها بكام قالي 700 جنيه، قلت له هديهوملك بس رجع الموبايلات، ودلوقتي بقى من أهم أعضاء الفرقة وبقى شاعر شاطر جدا وليه قصيدة في ديوان'.

وأكمل علاء مرسي متحدثا عن دور الفنان وقال: 'الفنان يعمل مشاريع ويعمل اللي عايزة ولكن أنت ارتضيت أنك تبقى مسئول المكانة اللي أنت فيها مسئولية عن المواهب اللي أقل منك في المجتمع اللي إنت فيه، الأطفال اللي مرمية في الشارع ومواهب، حتى لو الدولة بتساعدهم أنت ليك دور مجتمعي حتى لو هتعمله في الخفاء'.

على جانب آخر، شارك علاء مرسي في الجزء الثالث من مسلسل 'موضوع عائلي' الذي تكون من 10 حلقات.

ومسلسل 'موضوع عائلي' الجزء الثالث بطولة ماجد الكدواني، ونور، ومحمد شاهين، وطه دسوقي، ورنا رئيس، وسما إبراهيم، ومحمد رضوان، ومحمد القس، وياسمينا العبد، وظهور خاص لرانيا يوسف، وإخراج أحمد الجندي، تولى كتابة العمل ورشة من الكتاب، تضم محمد عز الدين، أحمد الجندي، كريم يوسف وسامح جمال، ومن إخراج أحمد الجندي.