لقاء سويدان تهاجم الـ"سوشيال ميديا": "محدش له كبير"

لقاء سويدان

كشفت الفنانة لقاء سويدان عن رأيها في سلبيات السوشيال ميديا، مشيرة إلى أن الجمهور بالكامل لن يتفق على فنان وله الحق في النقد دون تجريح.

وقالت لقاء: 'السوشيال ميديا صعبة جدا وطول الوقت الناس بتنظر وبتقول أحكام واللي عايز يشتم حد بيشتمه ومحدش له كبير والناس مستخبية ورا حسابات وهمية وبيقولوا كلام بيضايقنا والفنان حساس جدا وبيتأثر بالكلمة'.

وواصلت: 'وفيه فترة كانت كل الناس بتتهاجم على السوشيال ميديا، وبنزعل لما نكون بنعمل حاجة عشان نسعد الناس وفجأة نلاقي السلبيات دي على السوشيال ميديا، طب ليه الأذية؟

وأضافت لقاء: 'عمرنا ما هنرضي كل الناس، لأن لحد دلوقتي مش كل الناس متفقين على ربنا وفيه ملحدين وفيه بيعبدوا البقر والفنان مش أستاذ في وزارة التربية والتعليم ولا وظيفته يربي ولا يعلم الجمهور، ومن حق المشاهد ينقد العمل ولكن بدون تجريح.

واستكملت لقاء سويدان حديثها، قائلة: 'الجمهور اللي بقابله في الحياة لطيف وكلهم بيحبوني لكن على السوشيال ميديا مش بيكونوا وجهًا لوجه واحتمال يكونوا متخفيين ومش بنكون عارفين مين دول وهويتهم إيه واتجاهاتهم إيه.