تامر عاشور: سارة الطباخ منتجة "فنكوش"

كشفت الفنان تامر عاشور كواليس خلافه مع المنتجة سارة الطباخ، وسبب عدم تنفيذ تعاون فني كان من المخطط أن يتم بينهما.

وقال تامر عاشور خلال لقائه مع الإعلامية أسما إبراهيم في برنامج 'حبر سري'، المذاع عبر قناة القاهرة والناس: 'كانا مضينا عقد على أساس خطة معينة، وكان عندها فجأة حمية إنها تعمل ألبوم، وإتكلمنا وجيبنا محامي، وطلعت الفكرة بالنسبة لها واهية، زي ما هي لها أفكار كتيرة واهية في كل الحاجات'.

وأضاف: 'هي فعلا منتجة فنكوش فوق ما يتخيل أي حد'.

وردا على سؤال ما سبب المشكلة، قال: 'بعد ما وقعنا العقد مفيش حاجة منه تم تنفيذها، وأول ما بدأت أشوف شغلي بدأت تقاضيني، كإنها ماضية عقد معايا، والنقابة تدخلت وعارفة كل كلمة بقولها'.

وتابع: 'هي لم تلتزم بالعقد، ومن رحمة ربنا عليها إني مكملتش معاها في إجراءات التقاضي'.

كشف تامر عاشور خلال الجزء الأول من اللقاء عن رأيه في الجدل حول لقب صوت مصر.

وقال تامر عاشور: 'عندنا في مصر أصوات كتيرة، لكن إحنا مفتقدين شوية موضوع إنت بتعمل إيه في حياتك غير إنك بتطلع على المسرح وتغني'.

وأضاف: 'شيرين أكثر صوت جبار في الوطن العربي، لكن أنغام ملتزمة أوي وده أنا عاشرته'.

وردا على سؤال هل الالتزام أهم من الموهبة وحب الناس، قال: 'طبعا أهم، مفيش حد ممكن يحبك وإنت مش ملتزم، ولو أنا مثلا عندي مشاكل في آخر 3 سنين مع طوب الأرض، الناس مش هتستوعب مني أغاني لفترة، واللي تفوز بلقب صوت مصر هي الملتزمة أنغام'.

حمل آبلكيشن FilFan ... و(عيش وسط النجوم)