فيفي عبده لـ رامز جلال: نفسي المقالب متبقاش فيها العنف دا بالذات مع الستات

وجهت الفنانة فيفي عبده رسالة إلى الفنان رامز جلال طالبته فيها بأن تكون مقالبه عادية وليست بالخطورة التي يقدمها.

وقالت فيفي عبده في لقاء مع ET بالعربي: 'أنا بحبه وبحب شقاوته بس نفسي المقالب ميبقاش فيها العنف دا بالذات مع الستات، أنا روحت معاه في برامج كتير جدا وتعبت من المقالب بس أنا مقولتش لأن أنا بحبه جدا، بتبقى حاجة خطيرة مش مسلية، هو بيحب الشقاوة بس بالنسبة ليا كتيرة الشقاوة دي، وأنا بخاف من الحشرات أوي دا الناموسة بقفل لها مليون باب عشان متدخلش يقوم ماسكلي العقرب ويحطه عند وشي دا لو قالي اكتبيلي أملاكك هكتبها له طبعا'.

وتابعت موضحة أنها لم تكن تعرف بطبيعة المقلب قائلة: 'مبنبقاش عارفين أن هو يعني المرة دي قالوا دا لجنة تحكيم وهيبقى قاعد معانا وفعلا كان قعد ولجنة تحكيم وجاب نمر جميلة اتفرجنا عليها وكانت مسلية وبنتكلم، بس هو بيحب شوية الشقاوة'.

وأكملت فيفي عبده: 'أنا كنت هربانه منه 4 سنين قافله موبايلاتي، بس أنا في نفس الشركة ومكنتش أعرف كده أنا اللي رايحه أنه هيعمل برنامح مسابقات هو دا اللي أنا أعرفه'.

وتشارك فيفي عبده في مسلسل 'العتاولة 2' ويعرض عبر قناة mbc ومنصة 'شاهد'.

ويعرض مسلسل 'العتاولة 2' على قناة Mbc مصر في الساعة 7:00 مساء ويعاد عرض الحلقات في تمام الساعة 2:00 مساء في اليوم التالي، كما يعرض أيضا على منصة شاهد.

ومسلسل 'العتاولة 2' من بطولة أحمد السقا، وطارق لطفي، وباسم سمرة، ونسرين أمين، ومصطفى أبو سريع، وهدى الإتربي، وزينة، وفيفي عبده، ثراء جبيل، مريم الجندي، تأليف مصطفي جمال هاشم، وإخراج أحمد خالد موسى، ويعرض عبر قناة MBC مصر ومنصة شاهد.