حسام حبيب يكشف سبب رحيل مدير أعمال شيرين عبد الوهاب

كشف الفنان حسام حبيب سبب مغادرة إيهاب صالح لموقعه كمدير أعمال للفنانة شيرين عبد الوهاب، وانتقاله لإدارة أعمال نجمة آرب أيدول كارمن سليمان، وأكد حبيب أن المرحلة المقبلة ستشهد توسعاً كبيراً في نشاط شيرين الفني، وتحتاج لـ'مؤسسة' لإدارة أعمالها، ولا يمكن الاعتماد على شخص واحد فقط.

أضاف حسام حبيب، خلال لقائه ببرنامج «ET بالعربي»، على هامش حفل شيرين في جدة، قائلاً: 'حالياً إحنا بقينا في مرحلة شيرين، حجم شغلها بقى كبير، ومينفعش يديره فرد واحد فقط، وبنعمل مؤسسة كبيرة تدير شغل شيرين، وهتكون مكونة من فريق كبير، وشخص فوق الفريق ويقوده، ولسه موصلناش لهذا الشخص حالياً'.

وتابع: 'وجود فريق كويس وكبير، حيفرق أوي في كل شغل شيرين ويجعله أكثر احترافية'.

وكشفت شيرين عبدالوهاب عن استعدادها لطرح 4 أغانٍ خلال الفترة المقبلة، من ألبومها الجديد مع شركة روتانا، وأضافت خلال لقائها ببرنامج «ET بالعربي»: إن شاء الله في 4 أغاني هينزلوا الفترة الجاية من ألبومي الجديد مع شركة روتانا، ويليها 4 أغاني، يعني هيكون مقسم أربعة في أربعة، وفي حفلات كتيرة الفترة الجاية'.

تغريدة الوداع من إيهاب صالح

يذكر أن إيهاب صالح، مدير أعمال شيرين 'المستقيل'، ودع منصبه برسالة مطولة تم نشرها عبر حسابه بموقع 'تويتر'، قال فيها: 'جمهور شيرين العظيم، الحمد لله على نجاح حفل جدة كما كان متوقعاً، وده العادي بتاع شيرين في أي حفلة'.

وأضاف: 'أجلت الإعلان بالقرار ده لحد بعد الحفلة وحابب أشكركم جداً على كم الدعم الرهيب في خلال الفترة اللي فاتت ليها في المقام الأول وطبعاً بعد كده ليا، قررنا إن من الأفضل لينا إن نحط صداقتنا والعِشرة قبل أي حاجة، وإني أبتعد عن إدارة أعمالها، وده أكيد لمصلحة الطرفين ولنا أسبابنا'.

وتابع قائلاً: 'مبروك وشكراً يا شيري من كل قلبي ويا رب إني كنت على قد وعدي وكلمتي ليكي إني دايماً في ضهرك، والحمد لله الدنيا دارت من أول وجديد وتكسّري الدنيا حفلة بعد حفلة، وخلاص أهو الألبوم على الأبواب، ومتأكد إنه هينجح نجاح غير عادي، فرحان بشكل ملوش وصف بنجاحك ورجوعك بالقوة دي، وده اللي اتعودنا عليه منك طول السنين دي، وأنا كده كده دايماً موجود زي ما انتي عارفة، وربنا يديم كل اللي بينا على خير، وآسف لو في أي لحظة كنت قصرت معاكي بأي شكل، وأحب أشكر كمان جمهورك أكيد اللي مشوفتش منه غير كل خير وحب، شكراً بجد من كل قلبي'.

وأوضح: «طبعاً وأكيد شكر كبير لسيادة المستشار تركي آل الشيخ (أبوناصر) على كم الدعم الكبير من جانبه، بمجرد إنه شاف صورة رجوعك للأستوديو، وقد إيه كان مهتم بشيرين ومقدّر قيمتك وتقديرك بشكل يليق بيكي، وده مش غريب عليه ودايماً في ضهر كل الفنانين العرب كده كده، دي شهادة حق لازم تتقال».

واستطرد: 'ربنا دايماً يحبب فيكي خلقه ويبعد عنك أي شر بكل أشكاله ويكتبلك السعادة، أتمنى التوفيق لمديري الأعمال الجايين، وأدعمهم دايماً بأي شكل أكيد عشان تفضلي دايماً على القمة'.

وللاطلاع على فيديوجراف المشاهير زوروا «تيك توك سيدتي»