بهاء الدين محمد يهاجم حسن شاكوش لغنائه "يا حبيبي لا": وصلت للبجاحه دى ؟!

تابع الشاعر الغنائي بهاء الدين محمد حملة الهجوم من صناع الأغاني على مغني المهرجانات حسن شاكوش، ولكن هذه المرة ليس بسبب أغنية 'حاجة مستخبية' للنجم محمد حماقي، بل لأغنية 'يا حبيبي لا' للنجم عمرو دياب.

كتب بهاء الدين محمد عبر حسابه بموقع Facebook: 'هى وصلت للبجاحه دى ؟!!!

هو الإنسان ده بيعتدى ويشوه أى أغنية محترمة ؟!!!

وتجرأ يفسد أغنية ل Amr Diab #ياحبيبى_لا

ويغنيها ب الفشل ده ؟!!! وبيغير كلامها كمان ؟!!'>

يذكر أن شاكوش يتعرض لحملة انتقادات قوية بعدما حل ضيفا على برنامج 'الحكاية' ورفض اتهامه بسرقة لحن 'بنت الجيران' من 'حاجة مستخبية'، قائلا: 'حماقي عامل أغنية اسمها حاجة مستخبية، كان بقالها 5 سنين على يوتيوب عاملة 16 مليون، قالوا إحنا سارقين لحن حاجة مستخبية، وحصلت مفاوضات خاصة بأرباح موقع يوتيوب بين شركتي وشركة النجم محمد حماقي، واتفقنا تتقسم أي أرباح على 3 شركات، اللي عرفته إن حاجة مستخبية اللحن أصلا مسروق من لحن تركي'.

وكان موقع يوتيوب حذف مهرجان 'بنت الجيران' لحسن شاكوش وعمر كمال، بعد تحقيقه 600 مليون مشاهدة، بناءً على طلب من شركة 'راديو النيل' التي تمتلك شركة 'نجوم ريكوردز' المنتجة لألبوم النجم محمد حماقي 'حاجة مستخبية'، الذي استخدم حسن شاكوش لحن أغنيته بنفس الاسم في مهرجان 'بنت الجيران'.

وبعدها، نشر شاكوش فيديو يعتذر فيه عن تصريحاته، قائلا: 'أنا مش قصدي أغلط في حق حد، أنا من طبيعتي مبحبش أغلط في حد وعمري في حياتي ما غلطت في حد في شغلي، وكل اللي في المجال أصدقائي وأخواتي'

وتابع ليوضح ما حدث: أستاذ عمرو أديب كان بيقول أن أغنية 'بنت الجيران' لأستاذ محمد حماقي، فأنا كنت بقول أن الأغنية بتاعتي وأنا مليش دعوة بأغنية حماقي خالص، كنت بنتكلم في إطار أن هو فكر أن 'بنت الجيران' أحنا سارقينها.

حمل آبلكيشن FilFan ... و(عيش وسط النجوم)