غادة إبراهيم: مش بعمل "فيلر" أنا أصلا عندي خدود

تحدثت الفنانة غادة إبراهيم عن فكرة استخدام حقن الفيلر والبوتوكس لتبدو أصغر سنا، مؤكدة أنها لا تقوم بذلك.

وقالت غادة إبراهيم خلال لقائها في برنامج 'أوضة ضلمة' عبر قناة 'هي': 'أنا مبعملش فيلر أصلا لأن أنا طول عمري عندي خدود، أنا بعمل بوتوكس من وأنا عندي حاجة و30 سنة وبنات دلوقتي عندهم 20 سنة وبيعملوا بوتوكس لو حد بيستخدم تعبيرات وشه كتير، أنا وشي راس مالي اللي بشتغل بيه بحلي شوية بعمل الطبيعي مش أوفر'.

وعن خوفها من التقدم في العمر قالت غادة إبراهيم: 'كده كده هنعجز، أنا مش بخاف من السن أنا بخاف من المرض، مفيش حد بيشوفني بيديني سني والبنات اللي كانوا معايا في الجامعة والمدرسة أقسم بالله شكلهم عواجيز'.

على جانب آخر، تشارك غادة إبراهيم في موسم رمضان 2025 بمسلسل 'نص الشعب اسمه محمد' الذي يبدأ عرضه في النصف الثاني من الشهر الكريم.

'نص الشعب اسمه محمد' يتكون من 15 حلقة يضم نخبة من النجوم، منهم عصام عمر، رانيا يوسف، هاجر السراج، مايان السيد، محمد محمود، شيرين، محمد عبد العظيم، دنيا سامي، وألفت إمام. العمل من تأليف محمد رجاء، إخراج عبد العزيز النجار، وإنتاج أمير شوقي.

يتناول المسلسل مواقف اجتماعية متنوعة في إطار لايت كوميدي، حيث يجسد عصام عمر شخصية مهندس تكييف يعمل في المطار ويمر بالعديد من الأزمات، بينما تقدم رانيا يوسف شخصية موظفة في الشهر العقاري.