لايف ستايل
موقع كل يوم -في فن
نشر بتاريخ: ٢٥ أيلول ٢٠٢٢
أعرب الفنان تامر حسني عن سعادته بالحضور الجماهيري الذي شهده حفله الذي أحياه مساء أمس في الإسكندرية.
وشارك تامر حسني جمهوره عبر موقع التواصل الاجتماعي Instgram لقطات من الحفله وعلق قائلًا: 'في إسكندرية إمبارح مكنتش حفلة، كان حدث مش عادي بجد عيني مكنتش عارفة تجيب آخر الجمهور، حضوركم الكريم ده هفضل فخور به طول عمري، اتشرفت بتقديمي لـ 13 موهبة مصرية من مختلف محافظات مصر، وفعلًا كسروا الدنيا بأصواتهم فوق الرائعة وعازف الساكس الصاعد المتميز اللي قدمته وموهبته كانت مفاجأة كبيرة للجمهور'.
وأضاف: 'فخور بالتنظيم أستاذ أدهم بكري الشاب الجميل الإسكندراني اللي كان بيحبني من وهو 15 سنة، وقولت له لو بتحبني أوي لازم تنجح ووعدني أنه هينجح والنهارده عنده 30 سنة، وهو من كبار منظمي الحفلات في إسكندرية، وأصبح صاحب الحفل الأضخم في تاريخ حفلات مصر'.
وتابع تامر حسني: 'بشكر رجال الأمن، مجهود عظيم في تأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفلة، وهيكون أوضح، شكرا طلاب الإسكندرية حبايب قلبي شكرا لكل شعب إسكندرية العظيم الراقي المحترم، شكرا لكل الوحوش اللي تعبوا في المسرح الكبير ده، وإخراج الحفلة بالشكل العظيم دا اللي يليق بإسكندرية وشعبها'.
وقدم تامر حسني خلال الحفل مجموعة من أجمل أغانيه منها هو ده، حلو المكان، عيش بشوقك، ارجعلي، كفاياك أعذار، صعبة، حب يعجزك، من النهاردة هدلعني، ناسيني ليه، ونور عيني إلى جانب أغاني ألبومه الجديد 'عشأنجي' وأغاني فيلمه 'بحبك'.
ويعرض لتامر حسني حاليا في السينما فيلم 'بحبك' بمشاركة هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.
حمل آبلكيشن FilFan ... و(عيش وسط النجوم)