أحمد رزق عن جومانا مراد: شاطرة وبتحب الشغل ومش دلوعة

عبر الفنان أحمد رزق عن سعادته بالتعاون مع الفنانة جومانا مراد في مسلسل 'اللون الأزرق'.

ووصف أحمد رزق الفنانة جومانا مراد بالمجتهدة وقال في لقاء مع ET بالعربي: 'الشغل مع جومانا مراد من أحلى الكواليس اللي شفتها في حياتي باجي التصوير مش شايل هم حاجة ببقى عايز أشوفها لأن هي مريحة وشاطرة وبتحب الشغل ومش دلوعة'.

وتابع أحمد رزق: 'فاجئتني بتحب الشغل أوي وممكن نقعد نشتغل أكتر من 12 ساعة وهي مكملة، ربنا يحميها هي بتحب الشغل وفي الوسط عندنا مش كتير اللي كده، في بيزهقوا بسرعة لكن هي مخلصة لشغلها جدا، إحنا نعرف بعض من زمان أصحاب جدا بس أول مرة نشتغل مع بعض'.

وعن دوره في مسلسل 'اللون الأزرق': 'الدور في تحديات كتير الفكرة نفسها فيها تحدي أنا اتكلمت عن التوحد في أكثر من عمل منها فيلم 'التوربيني' يمكن من 20 سنة، الوعي بقى أزيد بس الرسالة هي هي أن الولاد محتاجين ندمجهم في المجتمع، نسبة الأولاد اللي عندهم توحد في تزايد هو مش مرض عشان يتعالج منه دورنا إزاي نتعامل ونتعايش وندمجه في المجتمع من غير ما نحسسه أنه مختلف لأن هو مش مختلف دي حاجة من عند ربنا لازم نتقبلها بشكل بسيط'.

ويشارك في بطولة المسلسل كل من جومانا مراد وأحمد رزق ونجلاء بدر وأحمد بدير وحنان سليمان وكمال أبو رية، إلى جانب عدد من الفنانين، والعمل من تأليف مريم نعوم وإخراج سعد هنداوي.

بيتر ميمي يرد على كابتن إيلا بعد تعليقها على مسلسل 'صحاب الأرض'