مدين يرفض اعتذار حسن شاكوش: مستني رد اعتباري

رفض الملحن محمد مدين اعتذار مطرب المهرجانات حسن شاكوش الذي نشره منذ أيام عبر حساباته بمواقع التواصل الاجتماعي، بعد اتهامه بسرقة لحن أغنية 'حاجة مستخبية'.

وفي تصريحاته لبرنامج 'عرب وود' قال مدين 'الاعتذار اللي نازل ميرضنيش طبعا لأنه منفاش الاتهام، واعتذاره ممكن يكون بسبب حذف أغنية بنت الجيران من على يوتيوب أو ضغط'.

وتابع مدين':هذا لم يرضيني وفي نفس الوقت لم أنتظر منه أي اعتذار أنا اللي منتظره رد اعتباري والناس تعرف كل حاجة حصلت، وأغنية 'بنت الجيران' سبب وجودها أننا سمحنا بكده مش أكتر'.

من ناحية أخرى، أكد الملحن مدين أنه لن يتراجع عن قرار حذف أغنية 'بنت الجيران' من موقع يوتيوب، بعد اتهام حسن شاكوش له بسرقة لحن أغنية 'حاجة مستخيبة' من أغنية تركية.

وكان شاكوش حل ضيفا على برنامج 'الحكاية' ورفض اتهامه بسرقة لحن 'بنت الجيران' من 'حاجة مستخبية'، قائلا: 'حماقي عامل أغنية اسمها حاجة مستخبية، كان بقالها 5 سنين على يوتيوب عاملة 16 مليون، قالوا إحنا سارقين لحن حاجة مستخبية، وحصلت مفاوضات خاصة بأرباح موقع يوتيوب بين شركتي وشركة النجم محمد حماقي، واتفقنا تتقسم أي أرباح على 3 شركات، اللي عرفته إن حاجة مستخبية اللحن أصلا مسروق من لحن تركي'.

يذكر أنه في 2020، بعد نجاح 'بنت الجيران' والأزمة التي أثيرت بعدها بسبب سرقة لحنها من 'حاجة مستخبية'، نشر مطرب المهرجانات عمر كمال وحسن ‏شاكوش فيديو قدما فيه رسالة اعتذار لمدين.‏

حمل آبلكيشن FilFan ... و(عيش وسط النجوم)