رامي صبري عن أغنية "انتي جنان": جديدة عن المسموع وبلاش انتقادات

تحدث الفنان رامي صبري، مع جمهوره عن أغنيته الجديدة 'انتي جنان'، والمقرر طرحها الخميس المقبل.

وكتب رامي صبري عبر حسابه الرسمي على موقع التواصل الاجتماعي Facebook: 'حبايبي مساء الفل عليكم، أنا عارف إن أغلبية الأغاني اللي بنزلها بتبقي غريبة عليكم وعلي اللي متعودين عليه مني، ولكن أنا شخص بيحب التطوير في الشغل يعني عمرك ما هتسمع مني أغنية شبه التانية أبدًا وده تميزي بين الآخرين'.

وأضاف رامي صبري: 'أغنية (انتي جنان) جديدة عن المسموع تماما من حيث الكلمة واللحن والـmusic بتاعتها توزيع (جلال الحمداوي) وده موزع مغربي عربي عالمي'.

وتابع في حديثه لجمهوره: 'المقصود إن أنت جاي هنا تسمع حاجة مختلفة وجديدة عمري ماهقدر اسمك قديم عايز قديم عندك مغنيين كتير أوي وأحسن مني كمان، ولكن صدقني أنا من الفنانين المتجددين وليس من الفنانين اللي بينزلوا أغاني جديده فقط'.

واختتم: '(انتي جنان) أغنية جميلة صيفية مبهجة افرحوا واتبسطوا بيها وبلاش انتقادات وخلاص'.

وأغنية 'إنتي جنان' كلمات إسلام الجرينى وألحان تيام على وتوزيع جلال الحمداوى وتقول في مطلعها:

انتي في الشتا … باريس أوروبا

مودك أحلى من المالديف … وأوبا

الجمال دا مش خفيف … دا طلقة

انتي جاية منين؟

وكان رامي صبري طرح أولى أغنياته خلال الموسم الصيفي الحالي 'هي'.

وتعاون رامي في أغنيته الجديد 'هي' مع الشاعر الغنائي نادر عبد الله الذي كتب الكلمات ولحن الأغنية بنفسه والمكس والماستر لجلال حمداوي.

حمل آبلكيشن FilFan ... و(عيش وسط النجوم)