بالفيديو: سالي عبد السلام تتعرض للتحرش في محطة بنزين

تحت عنوان 'امسك متحرش' وثّقت الإعلامية المصرية سالي عبدالسلام عبر مقطع فيديو ما وصفته بمحاولة تحرش تعرضت لها أثناء تواجدها برفقة صديقة لها داخل سيارتها أثناء تواجدها بمحطة وقود، ونشرت سالي التفاصيل الكاملة لبيانات سيارة المتحرش مؤكدة أن المنشور بمثابة بلاغ للجهات المسئولة في مصر وتوعدت بعدم ترك حقها.

سالي نشرت مقطع الفيديو عبر حسابها الرسمي على موقع انستغرام وعلقت عليه بسرد قصة تعرضها للتحرش كاملة، وقالت:ده واحد وانا قاعدة من شوية فى العربية ومنزلتش حتى بشرب كوفى انا و ريم صاحبتى فى البنزينة اللى جمب بيتى جه يستظرف 'معاكى شاحن؟؟' رديت بكل ادب لا.. وداخل بدماغه يشوف !!.. بعدها انتى متضايقة ليه!!؟'.

وتابعت المذيعة سالي عبدالسلام عبر منشورها: قولتله حاجة متخصكش واتفضل امشى !!.. لااااا متكلمنيش كدة!!!..قولتله اتفضل من هنا!!.. مفيش!!!!.. ولسه هيقل ادبه و يستظرف تانى..صورته فيديو !!'

واستكملت المذيعة سالي عبدالسلام سرد تفاصيل الواقعة قائلة' لما الناس اتلمت بيقولهم كنت بطلب شاحن! الرجالة بقيت بتقوله هو معلش!!!'.

ووجهت المذيعة سؤالاً قائلة ' السؤال هل هو العادى ان اى حد ممكن يكلم بنات و يستظرف و يدخل جوا العربية و عايزنا نسكت؟؟!

ليه!!!؟؟؟ احنا حصلنا ايه؟؟؟!.

ونشرت المذيعة رقم سيارة الشاب وتابعت قائلة ' السؤال بقى هو مين ده؟؟ وهل ده عادى؟.. فى بنات هتقبل ده عادى!! مجتمعنا شايف انه عادى؟ ولما اقوله امشى ميمشيش'.

وللاطلاع على فيديوجراف المشاهير زوروا «تيك توك سيدتي»