تامر حسين يعد جمهور عمرو دياب بمفاجأة جديدة عن أغنية "اللي يمشي يمشي"

أعلن الشاعر تامر حسين عن استعداده للكشف عن مقاطع إضافية من أغنية 'اللي يمشي يمشي' التي طرحها النجم الكبير عمرو دياب قبل أيام.

وكتب تامر حسين عبر حسابه على Facebook موضحا أن 'الهضبة' غني مقطعين فقط من الكلمات التي كتبها لأغنية 'اللي يمشي يمشي'، وأن هناك المزيد من المقاطع التي لم يتم ضمها إلى الأغنية.

وقال: 'إوعى تفكر أن عشان الأغنية الهضبه غناها ٢ كوبليه، أن الكوبليهات خلصت، يبقى ماتعرفنيش'.

وأضافت تامر حسين: 'أتأكِد بس أنكم حفظتوا الأساسية ونقول الباقي'.

واعتاد تامر حسين طرح مقاطع إضافية بصوته من الأغنيات التي يكتبها للمطربين، وطرح من قبل عدد من الفيديوهات التي تكشف كواليس صناعة تلك الأعمال الغنائية.

وأغنية عمرو دياب 'اللي يمشي يمشي' من كلمات تامر حسين، ألحان مدين، توزيع توما، ميكساج وديچيتال ماستر أمير محروس.

وتقول كلمات أغنية 'اللي يمشي يمشي':

عينى على ناس أمِنتها

إتأذيت مِنها بعدها

نزلوا مِن نظرى

مش حاقول عُذرى

دول عالم عارفه نفسها

قلبى ولا طيبته نِفعته

واللى يوم سِكنُه موته

دُنيا بتعرى

ياما بتورى

كله على قد نيته

اللى يمشى يمشى زى بعضه

يبقى فضىّ سكة للى بعده

فى النداله ناس كتيرة عدوا

دول ماشاء الله

حُب مِين ده كله منفعه

كله بقى عنده أقنعه

مين بقى برىء مين إدعىّ

مين حاتستثناه ؟

اللى حبونا مثلوا

واللى وعودونا كسلوا

يوفوا ب وعودهم

و الله يسعدهم

واللى له طريق يكمله

اللى ملىّ ايده مِننا

إفتكر نفسهُ حلمنا

فِهمهُ على قده

الغرور واخده

لِسه ماعرِفش طبعنا

اللى شاف نفسه وإفترىّ

واللى بيبيعنى فى الدرىّ

واللى مديت له

إيدي وصفيتله

طبعه هو المُشكلة

أرمي ورا ضهرى كُل ده

ايه اللى يجبرنى على كده

ياللا أشوف نفسي

حبة مِن نفسي

فى إختيار أحلى مِن كدة ؟

‎وتعد الأغنية الثانية لعمرو دياب هذا الصيف حيث طرح في عيد الفطر أغنية ' هتدلع' التي حققت نجاحا كبيرًا.

حمل آبلكيشن FilFan ... و(عيش وسط النجوم)