تامر حسني: واجهت الإحباط والفقر.. وقالوا لي لن تصل

وجه الفنان تامر حسني رسالة مؤثرة إلى جمهوره دعاهم فيها إلى التمسك بالأمل وتحدي الصعاب، مستشهدًا بتجربته الشخصية، حيث عاش طفولة مليئة بالفقر والتفكك الأسري، لكنه لم يستسلم، وتمكن في النهاية من تحقيق النجاح.

تامر حسني يكشف عن صعوبات رافقت مسيرته تجاوزها بالإصرار والإرادة

شارك تامر حسني مقطعًا من أغنيته الشهيرة 'طول ما أنت مش تمثال'، وكتب على حسابه في 'إنستغرام': حبايبي اللي بيفكروا حالًا، دي رسالة ليكم.. قضبان سجن أفكارك السلبية هي من صنعك أنت، محدش حابسك والله، أنت اللي حابس نفسك، مجرد ما تبطل تفكر بشكل يائس، هتقع كل القضبان، وهتخرج من سجنك، وهتنجح، وهتحقق كل اللي نفسك فيه وأكتر.

تامر حسني: واجهت الفقر والتفكك الأسري

تحدث حسني عن الصعوبات التي واجهها في مشواره قائلًا: أقسم بالله، قبل ما أنجح، ياما كنت بسمع جمل زي: أنت مستحيل تنجح، صوتك مش هيوصل، ما فيكش مواصفات النجم، غير الفقر المادي القارص، والتفكك الأسري من وأنا عندي 7 سنين.. يعني إحباط من كل الجوانب، بس عمرّي ما يئست ولا سمعت للكلام المُحبط، بالعكس كان بيحمّسني أكتر، ويزودني عناد للوصول.

وأضاف في رسالته: خليكم كده، قوموا اتحركوا واسعوا.. الحياة لا بتحب ولا هتضحك للمستسلم، ولو مش عاجبك مكانك في الدنيا غيّره، أنت مش تمثال.

مقاطع تحفيزية للجمهور

يواصل تامر حسني تقديم رسائله التحفيزية لجمهوره، إذ شارك عبر حسابه الرسمي على موقع 'إنستغرام' مقطعًا من فيلم كرتوني يتناول فكرة مواجهة المستحيل، مؤكدًا أن الإيمان بالنفس والشعور بالدعم يمنح الإنسان القدرة على تحقيق ما يبدو بعيد المنال.

أرفق حسني الفيديو بتعليق قال فيه: قد إيه ده فيديو عظيم، كلنا لما بنفكر ناخد خطوة للأمام أو خطوة جديدة للنجاح مش بنبقى عارفين هننجح ولا لأ، بس بنحسبها صح ونحضر لها صح مع الناس الصح في التوقيت الصح، هيبقى فاضل أهم حاجة وهي إيمانك بالخطوة وحبك وشغفك الخارق ليها.

وأوضح أن المشهد الذي يظهر فيه الطفل وكأنه يمشي في الهواء يرمز للأحلام المستحيلة التي يمكن أن تتحقق بالثقة بالنفس، وليس للمشي على الهواء بمعناه الحرفي.

وأكد حسني أن الحاضر هو مفتاح النجاح الحقيقي، قائلًا: ركز في الحاضر عشان ده بس اللي ملكك، وهو ده الوقت اللي لو حبيته هيحبك ويقف معاك ويساعدك تجري بأسرع ما يمكن.. حب حاضرك رغم أي مشاكل فيه وتحدى صعوباته، خد حالًا أحلى قرار ينجحك، محدش هينفعك غير مجهودك وسعيك ومتبصش وراك أرجوك.. نهاركم كله خير.