محمود حميدة يعلن سراً في حياته المهنية

محمود حميدة

كشف الفنان محمود حميدة خلال ندوته بالمؤتمر العلمي الدولي بمعهد النقد الفني عن سر يذيعه للمرة الأولى عن حياته المهنية، وسبب عدم إنتاجه لأعمال فنية في البداية.

وقال حميدة: 'عملت مجلة تعليمية عن الفن، قلتلهم عايز مجلة عن الصناعة أتكلم فيها عن مكونات الفيلم وفيه نقد الفيلم وتحليله، ومفيش خصومة مع حد ولا معارك'.

وأضاف: 'ولما اتعرض عليَّ إعلانات في المجلة بفلوس كتير وقالولي عايزين نعمل إعلان واحد ويسكي وواحد سجاير قصاد 40 ألف دولار، رفضت عشان دي مطبوعة تعليمية'.

وعن أسباب رفضه إنتاج أعمال فنية في البداية وقبوله الامر فيما بعد، قال: 'لما اتعرض عليّ أنتج قلت لأ مش هنتج أنا أؤمن بالتخصص وأنا ممثل فقط، وكنت مهتم بالأفلام وبهتم بالتتر الأخير وأشوف أسماء منتجين مش في الفيلم'.

واستكمل حميدة حديثه: 'عرفت من هنا أن الصناع الكبار بتوع السينما زي المخرج والسيناريو لا بد أن يكونوا ضالعين في المهنة عشان اللي بيطلب آلة جديدة هو المخرج أو مدير التصوير، ومفيش حد بييجي من برا يدينا ده، وبعدين أدركت أن نهوض الفن يكون باشتراك ذوي الخبرة من الفنانين في عملية الإنتاج، فعملت شركة إنتاج.