رقصة لبلبة ولقاء ليلى علوي وميني ماوس والغوريلا … جولة النجوم في شوارع نيويورك

يتواجد عدد من النجوم المصريين في الولايات المتحدة الأمريكية لحضور فعاليات المهرجان المصري الأمريكي للسينما والفنون.

ومن ضمن النجوم المتواجدين هناك إلهام شاهين وليلى علوي ولبلبة وهاني رمزي ورانيا فريد شوقي وأحمد عبد العزيز.

وقام النجوم بجولة في شوارع نيويورك والتقطوا بعض الصور التذكارية معا.

ونشرت الفنانة إلهام شاهين صورا ظهرت فيها مع النجمات لبلبة وليلى علوى.

أما لبلبة فظهرت ف الصور تتحرك وترقص براشقة.

فيما التقطت ليلى علوي صورا طريفة مع عروسة ميني ماوس والغوريلا.

وكانت إلهام شاهين كشفت أن النجوم اجتمعوا مساء السبت لمشاهدة حفل افتتاح المتحف المصري الكبير معا.

على جانب آخر، كانت إلهام شاهين ردت على الاتهامات التي وجهت لها بعد انتشار فيديو من جلسة الراحل يوسف شاهين ضمن فعاليات مهرجان الجونة السينمائي، وظهرت فيه تضحك مع الفنانة هالة صدقي بينما كانت الفنانة لبلبة تتحدث.

وحكت إلهام شاهين ما حدث لتوضح ما حدث قائلة: 'الحوار اللي كان بيني وبين هالة مش المفروض أقول إحنا كنا بنقول إيه بس الحقيقة أنا بقولها أنا هموت عايزة أروح التواليت قالتلي بعيد وخلاص قربنا نخلص الندوة وهزرت وقالتلي أعمليها مكانك وخلاص وضحكنا وشاورت ليسرا يلا خلصوا الندوة عايزة أروح الحمام، هزار بين اتنين أصحاب لبلبة ملهاش دخل بيها تماما'.

وتابعت إلهام شاهين: 'لبلبة حبيبتي وصاحبتي وإحنا عشرة عمر مع بعض وهي عارفة هي إيه بالنسبة ليا هي صديقة غالية جدا والمسألة متخصهاش تماما إحنا بنتكلم في موضوع تاني خالص وهالة دايما بتقول قفشات تضحك وضحكنا الموضوع كوميدي جدا هي بتهزر بتقولي اعمليها مكانك مش هنعرف نقوم لأن لو قومنا اللي هيقولولنا تعالوا صوروا ويوقفونا في الطريق والتواليت بعيد وأنا فعلا مش قادرة وبقول ليسرا يالا عشان نقوم مرة واحدة'.