ابنة سعيد صالح تدافع عن السقا وكرارة.. وشقيقة الأول تقسو على مها أحمد

دافعت هند سعيد صالح عن الفنانين أحمد السقا وأمير كرارة بعد الهجوم الذي شنته عليهما الفنانة مها أحمد عبر منشور لها في إنستغرام بسبب مسلسل 'نسل الأغراب'، لتثير جدلا واسعًا بين الجمهور.

وكتبت هند عبر صفحتها على فيسبوك: 'قبل ما العيد يخلص بما ان بابا الله يرحمه يعتبر من ترندات العيد افتكرت حبه وعشقه وتقديسه للمسرح، كان كل ليلة عرض بيروح المسرح بدري يقعد على خشبة المسرح لوحده ومايتكلمش مع حد، ولما كنت أسأله يقولى باخد على المكان، والمكان بياخد عليا، كان كل ليلة بيبقى خايف من رد فعل الجمهور كأنها أول ليلة عرض'.

وأضافت: 'بعد العيال كبرت بابا حب يعمل مسرح يقول فيه رسالة او ينتقد نظام او يعبر عن اللي جوة #سعيد_صالح براحته، وطبعا آراء بابا كانت دايما بتسببله مشاكل، حبه الكبير للمنتج سمير خفاجي - أبوه الروحي - خلاه يقرر يسيب فرقة الفنانين المتحدين وينتج مسرح لنفسه.. عشان مايسببش لسمير خفاجي، أي مشكلة بالبلدي يعني مايجيبلوش وجع دماغ.. عشان ينتج مسرح يقول فيه رأيه اضطر يعمل أفلام سميت فى فترة التمانينات والتسعينات بأفلام المقاولات وقتها هو مكانش راضي عنها أبدا لأنها مش بقوة سلام يا صاحبي والمشبوه، وأشياء ضد القانون مثلا، بس كان مضطر عشان يصرف على المسرح'.

وتابعت: 'وبعد نجاح المسرحيات اللى عملها ومنهم كعبلونواللي لحد النهاردة الناس فاكراها وبتردد أغانيها وبعد ما صوته ورأيه وصلوا قالي انه كان غلطان فى الحكم على الأفلام دي، وأن لولا الأفلام دىمكانش عرف يقول رأيه ويقدم مسرحه اللىبيعبر عن شخصه، وفضل لحد ما توفى ممتن لأفلام المقاولات'.

واختتمت: 'الخلاصة يعني عشان أنا رغيت كتير مافيش عمل سئه يمحى تاريخ نجم أبدا نهزر ونضحك ونتريق وتاخد وقتها وتمشي، لكن ماندبحش الفنانين عشان عمل طلع سئ.. عادي على فكرة'.

وكانت هند قد أبدت إعجابها بالسقا وكرارة في وقت سابق أيضًا عبر رسالة نشرتها عبر فيسبوك بعد دورهما في فيلم 'هروب اضطراري'، وهو الفيلم الذي شهد أول ظهور للنجمين في عمل مشترك.

وقالت: '#احمدالسقاو #اميركرارة مش اول مرة يجتمعوا فى عمل فني مع بعض، اجتمعوا فى فيلم #هروب_اضطراري، والاتنين ابدعوا فيه، وده لأنهم نجوم كبار، اللى ما تفرجش على فيلم 'هروب اضطراري' فاته فيلم سينمائي رائع من جميع النواحي، أعصابك مشدودة من أول الفيلم لآخره، مفيش لحظة اداء عالمي من جميع الممثلين، غادة عادل .. مصطفى خاطر .. احمد العوضي .. فتحي عبد الوهاب .. دينا الشربيني .. حتى ضيوف الشرف ايمان العاصي .. نبيل عيسى .. باسم سمرة .. محمد شاهين .. محمد فراج .. بيومى فؤاد، كتابة متميزة لمحمد سيد بشير وانتاج متميز لندى السبكي واخراج متميز لأحمد خالد موسى، فيلم يستاهل يتشاف 100 مرة'.

من جهتها هاجمت فاطمة السقا، شقيقة الفنان أحمد السقا، الفنانة مها أحمد، بعد تلميحها عنه والفنان أمير كرارة بأنهما قبلا الإساءة لنفسيهما رضوخًا للمخرج محمد سامي، من أجل مي عمر، زوجة المخرج في مسلسل 'نسل الأغراب'.

وكتبت فاطمة عبر حسابها الرسمي على 'فيسبوك'، موجهة حديثها إلى مها أحمد: 'الكلام ده موجه ليكي يا أستاذة بدل ما تفضلي تمسحي ردي كل شوية ..أبهرتيني يا مها بأخلاقك العالية.. وبانك افتكرتي العيش والملح اللي كلتيه في البيت بتاع الفنان اللي مش عارفة تقولي اسمه بس عرفتي تقولي عليه (ندل)، اللي هو أحمد السقا.. بس أنا بقولك قدام الناس قطع لسان أي حد يقول عليه كده لأنه راجل أكرمك ووقف جنبك انتي ومجدي بدل المرة ألف'.

وأضافت فاطمة: 'أمير كرارة برضه راجل جدع ومحترم للي ما يعرفهوش في البوست بتاعك ده.. معرفش ايه الفرص اللي كانت عندك اللي كان يتمنى يشتغل معاكي فيها زمان بس هو أي حد يتمنى يشتغل معاه دلوقتي أكيد.. وكلمة الدور بينادي صاحبه دي بتاعة افلام ..ما بتتقالش في الحقيقة.. كفايا دراما وتشويه للناس'.

وتابعت شقيقة السقا في ردها على مها أحمد:'وبعدين هما كممثلين مش مطالبين يقفوا جنبك ولا يجيبولك أدوار على فكرة.. دي رؤية مخرج وناس بتوع كاستنج.. الحقيقة أنا مش عارفة انتي عايزة ايه ..انا مش شايفة بعد العشرة الطويلة اللي انتي قولتي عليها غير كمية الحقد والسواد والشماتة اللي كانوا متداريين ورا ابتسامة كدابة معرفش انتي ازاي كنتي بتدخلي بيوتنا الصراحة وانتي ست وحشة كده'.