تامر حسني يكشف أهم حوار كتبه في حياته: كتير منكم محتاجين يسمعوه

كشف الفنان المصري تامر حسني عن أهم حوار كتبه في حياته حسب قوله، بأحد الأعمال الفنية التي شارك فيها، وهو فيلم 'مش أنا' الذي كان من تأليفه وإخراج سارة توفيق، وقد تم إنتاجه العام الماضي.

ونشر حسني مقطع فيديو من فيلمه 'مش أنا' عبر حسابه الرسمي بإنستغرام، وعلق: 'مشهد (الحمد لله) من فيلم (مش أنا) يمكن أهم حوار كتبته في حياتي، وأتمنى ياخد نصيب كبير أوي في الانتشار؛ عشان واثق إنّ كلامه كتير منكم محتاجين يسمعوه، وهيكون علامة جميلة لناس كتير محبطة ومستنية التشجيعة دي عشان يقوموا ويحققوا اللي ناقصهم لما يركزوا إنّ في ناس ظروفهم كانت أصعب منهم وقدروا يوصلوا وينجحوا'.

وأضاف النجم المصري: 'يعني الموضوع فينا إحنا مش في الظروف، ظروفك الصعبة دي ممكن تصنع منك بطل، إنت اللي هتحدد وهتقرر ظروفك هتصنع منك إيه، قوم يلا، ينفع تحلم تاني وعاشر، الحلم ملوش وقت ولا سن، والوقت مش متأخر ولا حاجة، وما دام بتصحى من النوم بتلاقي نفسك عايش يبقى ربنا لسه عايزك وعندك مُهمة في الحياة قوم دوّر عليها'.

وتابع: 'ربنا مخلقكش فاضي، بالعكس عندك كتير، بس الشاطر كلّ ما يدور هيلاقي، وزي ما كتبت في حوار الفيلم (المريض الحقيقي هو اللي معندوش طموح)'.

يُذكر أن فيلم 'مش أنا'، من بطولة حلا شيحة، وماجد الكدواني، وسوسن بدر، وحجاج عبد العظيم، والفيلم من تأليف تامر حسني وإخراج سارة وفيق.

وملخص الفيلم بأن حسن يُصاب بحالة غريبة تفقده السيطرة على يده، فيصبح مع مرور الوقت ضحية العديد من الموقف الصعبة والمحرجة، بينما يرفض كل من حوله تصديق حالته.

وقدم  الفنان تامر حسني دور 'حسن'، وحلا شيحة دور جميلة، وماجد الكدواني دور جاستن، وسوسن بدر دور والدة حسن.

فيما كان ضيوف الشرف كل من محمد عبد الرحمن، فايز المالكي، عصام السقا، إياد نصار، اسما سليمان، محمد الجوهري، ياسمين البشبيشي.

وبعد عرض الفيلم في الثالث والعشرين من شهر يونيو 2021، هاجمت الممثلة حلا شيحة الفنان تامر حسني بعد تجاهله لها وطرحه فيديو كليب 'بحبك' من فيلم 'مش أنا' والذي يتضمن مشاهد رومانسية تجمعه بها، رغم أنها أعلنت براءتها من العمل حسب قولها وقتها.