يارا السكري عن حلقتها مع رامز جلال: اتبهدلت بس انبسطت

نفت الفنانة يارا السكري أن تكون تعرضت لإصابات خلال تصوير حلقتها في برنامج 'رامز ليفل الوحش'.

وعرضت حلقة يارا الكسري في برنامج 'رامز ليفل الوحش' يوم 12 رمضان، وحكت في لقاء مع ET بالعربي كواليس ما حدث قائله: 'اتبهدلت بس انبسطت'.

وقالت يارا السكري: 'لا مفيش إصابات بالعكس خلصت الحلقة كنا قاعدين بنضحك وبنتريق على حاجات حصلت انبسطت، اتبهدلت بس انبسطت، مفيش إصابات زي ما اتقال وتكتب في الأخبار ومفيش أي حاجة'.

على جانب آخر، أكدت يارا السكري أن الشائعات التي لاحقتها الفترة الماضية لم تزعجها بل هي دليل على أنها تركت أثرا في كل ظهور لها.

وقالت يارا السكري خلال لقائها ببرنامج 'أسرار النجوم' مع إنجي علي: 'متضايقتش من الإشاعات اللي طلعت وقلت الدنيا ماشية كويس، أحمد العوضي كان بيقولي 'إنتي شمسك حامية' قلت له يعني إيه قالي في بنات كتير بتنور زي الشمس بس عادي لكن شمسك حامية يعني كل حاجة بتيجي عندك مبتعديش'.

وأضافت يارا السكري: 'مش بتضايق من الحاجات دي أنا شخص صبور ودايما مع أي حاجة بتحصل بقول شوية وقت وكل حاجة هتوضح، أنا طول عمري هادية وطول عمري مش برد بس لما كبرت اتعلمت أكتر والصمت عمره ما خذلني بتعامل مع الدوشة بصمت تام، القوة في الصمت في بعض الأمور'.

يذكر أن يارا السكري تشارك في موسم رمضان 2026 بمسلسل 'علي كلاي'.

ويشارك فى بطولة مسلسل 'علي كلاي' إلى جانب أحمد العوضي كل من درة، يارا السكري، محمود البزاوي، انتصار، عصام السقا، محمد ثروت، طارق الدسوقي، سارة بركة، ريم سامي، ضياء عبد الخالق، رحمة محسن، عمر رزيق، وغيرهم من الفنانين.

بيتر ميمي يرد على كابتن إيلا بعد تعليقها على مسلسل 'صحاب الأرض'