سلمى أبو ضيف تتحدث عن صعوبات مسلسل "أعلى نسبة مشاهدة"

تحدثت الممثلة المصرية سلمى أبو ضيف عن مسلسل 'أعلى نسبة مشاهدة' وعن سعادتها بردود فعل الجمهور وإهتمامه بالعمل.

وقالت سلمى أبو ضيف: 'المسلسل كله كان صعب وكنا بنهتم بالتفاصيل العميقة، وحياة شيماء مش سهلة إطلاقاً، هي بتصحى كل يوم مش عارفة التريند والدنيا هتاخدها فين، ودا بيولّد عندها إرهاق جسدي ونفسي، دائماً. فيه ناس الظروف بتحطّها في مواقف أكبر منها، وبتخلّيها مش عارفة تتصرف إزاي، بالذات لما بيبقى في عدم وعي وخبرة، وخصوصاً لو الشخص محتاج فلوس، فبيبدأ يشوف أي فرصة. الناس مبقتش حاسة ببعضها ولا بتهتم بمشاعر أي شخص، وفي ناس بيكون عندها مصايب في حياتها، وكل اللي طالبينه إنهم ياكلوا ويسترزقوا، ومش بيلاقوا كمان ده للأسف، وفي ناس كتيره كده، وأنا تعاطفت مع شيماء، رغم أني مكنتش مهتمة بالتيك توك، بس لما لقيت في ناس فاتحة بيوتها من التيك توك، وعارضين حياتهم 24 ساعة للناس من أجل كسب العيش، وفيه منهم بيكسب حب الناس'.

وحديث سلمى هذا جاء خلال مداخلة هاتفية مع برنامج 'أسرار النجوم' الذي تقدّمه الإعلامية إنجي علي عبر إذاعة 'نجوم إف إم'.