"نفسنة" قلبت بجد مع شيماء سيف وعملت لي "بلوك" .. فيديو

حلت الفنانة هيدي كرم ضيفة على الإعلامية ريهام سعيد في برنامج صبايا الخير'، وتحدثت عن ذكرياتها مع برنامج 'نفسنة' والأزمة بينها وبين الفنانة شيماء سيف.

سألت ريهام سعيد هيدي كرم قائلة: هل كان في 'نفسنة' بينكم أثناء تقديم البرنامج؟ كان في كلام بيتقال بيتاخد بجد؟

لتجيب هيدي: كان في منافسة كوميدية بينهم، أنا كنت بستني الوقت الفاضي فاقول التعليق بتاعي واسكت، لكن المنافسة كانت بين نجمات الكوميديا في حاجات معرفهاش لإني مش كوميديانة زي مثلا: انتى سخفتي الإفيه بتاعي، أو ركبتي على الإفيه.

وحكت تفاصيل الخلاف بينها وبين شيماء سيف مؤكدة أنه لم يحدث بينهما شيئا على الإطلاق، قائلة: أنا فوجئت بشيماء بعد ما خرجت من البرنامج بتقول إني عملت لها مشاكل في البرنامج، وده محصلش نهائي، وأنا معلقتش عشان مزودش الأمور، دي وجهة نظرها وهي حرة.

وواصلت: لما جت تمشي من البرنامج بعت لها وقلت ما تمشيش وتسيبي مكانك، انت نجحتي، لكن هي عملت لي 'بلوك'.

واضح إن حد وصل لها كلام غير حقيقي.

لتؤكد ريهام على كلامها قائلة: شيماء طيبة جدا وبتصدق الكلام وبتزعل بسرعة.