إبراهيم عيسى: فيلم "المومياء" من أسخف الأفلام اللي شفتها في حياتي

تحدث الإعلامي والكاتب إبراهيم عيسى عن فيلم 'المومياء' للمخرج شادي عبد السلام ووصفه من أسخف الأفلام التي شاهدها.

وقال إبراهيم عيسى خلال بودكاست 'لعل وعسى': 'فيلم المومياء من أسخف الأفلام اللي شفتها في حياتي، الفيلم الجبار اللي لف العالم وأخد جوايز الدنيا وبنتكلم أنه أعظم فيلم مصري، ولا فيلم مصري ولا له علاقة بالسينما المصرية، هو فيلم رائع وعظيم لو اعتبرته فيلم بلجيكي أو أعظم فيلم نرويجي في تاريخ السينما النرويجية'.

وتابع إبراهيم عيسى: 'إيه المصري اللي فيه والعظمة اللي فيه؟ يعني فيلم بتدور أحداثه سنة 1881 في الصعيد الممثلين بيتكلموا باللغة العربية الفصحى ليه؟ وبيتكلموا كده ليه' الممثل بيقول 'أهذه هي عيشتنا' هل دا أداء المواطن الصعيدي؟ دا موطن صعيدي مدبلج'.

وأكمل إبراهيم عيسى: 'أجواء الصعيد وقرى الصعيد وعائلات الصعيد وعائلة 'عبد الرسول' أشهر حرامية آثار في تاريخ مصر باردين كده، الثلج نازل على الأقصر فيلم بارد، فيه جماليات طبعا نادية لطفي ورفرفة الزي الأسود وملامحها والمكياج شبه التمثايل الفرعوينة لكن مش فيلم مصري فيلم مش معبر عن مصر'.

وتابع إبراهيم عيسى: 'وفي تتر فيلم المومياء مكتوب حوار شادي عبد السلام والترجمة إلى اللغة العربية علاء الديب، حوار مكتوب بلغة غير عربية وترجم هو كأنه حوار مدبلج'.

وفيلم 'المومياء' إنتاج عام 1969 تأليف وإخراج شادي عبد السلام، بطولة نادية لطفي، أحمد مرعي، عبد العظيم عبد الحق، شفيق نور الدين، زوزو حمدي الحكيم، وغيرهم من النجوم.

طالع أيضا: ريم رؤوف: أحمد مختار خالي ... وأحمد كمال كان صديقه وكان بيقعدني على حجره ويلعب بيا مع عبلة كامل