هاني عادل: محتاج طريقة جديدة للتعبير عن مشاعري عايز كلمات تستفزني

وجه الفنان هاني عادل الدعوة لكل 'الشعراء' الذين يكتبون الأغاني بـ'طريقة جديدة' للتواصل معه، من أجل تقديم أعمال تعبر عن مشاعره بشكل مختلف عن السائد، وحرص هاني على إبداء تقديره لكبار الشعراء الذين تعاونوا معه في أغنياته السابقة، مؤكداً أنهم لم يخذلوه أبداً، ولكنه يحتاج الآن لكلمات ومشاعر مختلفة عن السائد.

هاني وجه الدعوة عبر حسابه على موقع الفيس بوك قائلاً: 'بدور على كلام يعبر عن إللي جوايا ونفسي أقوله في غنوة، بعيد عن الخيال والصور كلام حقيقي زي ما تكون قاعد بتكلم مع حد قريب مني، إللي عنده مقترحات لشعراء جداد بيكتبوا بطرق مختلفة يبعتلي'.

وأضاف: 'كل الشعراء الكبار إللي أنا بتعامل معاهم دايماً ناس شاطرة وعمرهم ما خذلوني في التعبير عن إللي جواية في أغنيه، أنا محتاج طريقة جديدة أعبر بيها الفترة ديه'.

وواصل قائلاً: 'فياريت كمان كل أصدقائي الشعراء الفنانين إللي بحبهم وبقدرهم وشايفهم هم السبب في إللي أنا وصلتله إن هم كمان يحاولوا معايا، الكلمة هي الأصل دايماً'.

هاني عادل هل تعمد إهانة الشعراء؟

وتلقى هاني عادل تعليقاً غاضباً من محمد فتحي الذي رأى في المنشور إهانة لفكرة الشعر وقال: 'يعنى إنت لما بتبقى عايز لحن جديد بتكلم الملحنين وتقول لهم ابعتولي هنا يلا وروني شغلكم ما تبعتوش خاص، شيء غريب جداً وفيه امتهان للشعر والشعراء، وترسيخ للصورة الذهنية الرجعية إللي عند المطربين إللي بتحسسهم إن الشاعر ده آخر واحد في المنظومة في منه كتير ما تشغلش بالك بيه، عايز أقول إن الشاعر إللي يشارك في تعزيز الفكر ده سواء شاعر قديم أو جديد يبقى بيشارك في التقليل من مكانة الشعر، في الوقت إللي من المفترض الكل ينتصر للكلمه ويعتبرها رقم واحد والكل يجي بعدها'.

هاني عادل: محتاج كلمات تستفزني

ورد عليه هاني عادل قائلاً: 'أنا بتكلم عن حاجة شخصية جداً مش فكرة عامة أنا بتكلم عن كلام جديد أقدر أعبر بيه عن إللي جوايا من غير تفكير في حرفية الكتابة.... أتمني تكون وصلتلك الفكرة وياريت تقرا كلامي تاني لأنه فيه تقدير للشعر والشعراء كلهم أنا محتاج حاجة تستفزني للتلحين مش أكتر..... ومبسوط إني اتعرفت عليك كشاعر'.

لمشاهدة أجمل صور المشاهير زوروا 'إنستغرام سيدتي'.

وللاطلاع على فيديوجراف المشاهير زوروا 'تيك توك سيدتي'.

ويمكنكم متابعة آخر أخبار النجوم عبر 'تويتر' 'سيدتي فن'.