لايف ستايل
موقع كل يوم -في فن
نشر بتاريخ: ١٤ كانون الأول ٢٠٢٣
كشفت الفنانة ناردين فرج عن بداية عملها في مجال الإعلام وقالت أنه تخرجت في كلية التجارة جامعة الإسكندرية فلم تدرس الإعلام ولكنها أحبت الإذاعة وأرادت العمل فيها.
قالت ناردين فرج خلال حوارها مع الإعلامية منى الشاذلي في برنامج 'معكم' المذاع على قناة ON 'من ساعة ما ظهرت في الراديو وانا بيتقالي أن صوتي مميز ونبرة صوتي مميزة وبيتعرض عليا التمثيل من بداية شغلي في الراديو'
وتابعت ' لكن كنت برفض لأن الإذاعة كانت بالنسبالي حاجة جديدة لأن أنا مدرستش إعلام هي حاجة كنت بحبها لكن مفكرتش اني ادرسها وانا صغيرة فمكنتش عايزة ابقى بعمل أكتر من حاجة ومش ناجحة في ولا حاجة'
وأضافت 'أنا بحب الراديو من زمان وبحب المذيعين في الراديو فحسيت اني عايزة اجرب الإذاعة وانا اصلا خريجة تجارة انجليزى جامعة اسكندرية وكنت اعرف حد صديق للعائلة وقلتله اني عايزة اجرب واعمل اختبار وفي الأول مكنش مقتنع'
وعن مساعدة المذيع أحمد يونس لها في بداية حياتها المهنية قالت ' ولما عملت الاختبار كان أحمد يونس اللي في الراديو وهو حد محترم جدا وهو أول واحد علمني ازاي اتكلم واحضر للحلقة واشغل الميكسر وبالصدفة هو كان مقرر يأخذ وقت ميشتغلش فيه فلقيتهم بيكلموني أن في فرصة للعمل معاهم وأن أحمد يونس قدامه شهر وهيمشي فمفيش وقت طويل يعلمني غير في الشهر دة وقعدت شهر كامل بقعد جمبه اتفرج عليه بس لغاية لما في مرة قالي أنا هروح مشوار ربع ساعة اقعدي لوحدك اشتغلي وكان البرنامج هوا فبدأت انفذ اللي قالي عليه وبدأت المشوار'
يذكر أن ناردين فرج شاركت في مسلسل 'صوت وصورة' وجسدت شخصية المحامية ماجدة علوان، المسلسل من بطولة حنان مطاوع، صدقي صخر، مراد مكرم، نجلاء بدر، عمرو وهبة، ولاء الشريف وغيرهم نخبة من النجوم. المسلسل من تأليف محمد سليمان عبد المالك ومن إخراج محمود عبد التواب.