كيف ردّت منة فضالي على منتقدي ملابسها وسفرها؟

وجّهت الفنانة المصرية منة فضالي رسالة إلى منتقدي ملابسها وسفرها المتكرر إلى الخارج، كما تحدثت في رسالة مطولة نشرتها عبر حسابها في 'إنستغرام' عن الصداقة والخيانة وما تمر به من مواقف إنسانية أثرت في حياتها.

عن الصداقة والخيانة

قالت منة التي تقضي إجازتها في العاصمة الفرنسية باريس: 'أوعي تصدق اللي تقولك صاحبتي وأختي وحببتي، أو صاحبي وأخويا وحبيبي إلا لو كان بالفعل. أصل الكلام ببلاش، لكن الأفعال محتاجة مجهود.

وأضافت: 'الفلوس حلوة وكل حاجة بس مش كل حاجة الفلوس لأنها مش بتشتري الصحة والأهل واللي ماتوا وفارقونا. في حاجات كتير في حياتنا أهم من كل ده، صاحبك دراعك، حبيبي قرشي، وأخويا صحتي، وربنا ما يحوج حد لحد أبدا'.

وأضافت فضالي: 'حتقولولي بتقولي الكلام ده ليه دلوقتي وانتي كل شوية في بلد ومنين فلوس والجو النيلة ده، أقولكم الحمد لله أنا اشتغلت كتير جدا جدا وده رصيدي. يمكن حظي مش زي كل الناس بس أنا راضية والحمد لله باللي ربنا أدهولي'.

الانتقادات حول ملابسها الجريئة

كما تطرقت فضالي إلى الانتقادات المتعلقة بملابسها، قائلة: 'حتقولولي وانتي بتعرفي ربنا وانتي بتلبسي عريان، أقولكم أيوه يمكن أنا عند ربنا أحسن من ناس كتير.. يمكن بعمل خير كتير من غير إعلان لأن اللي بيعمل خير مش لازم يقول. دي حاجه بينك وبين ربنا بس كفاية أني عمري ما أذيت حد في حياتي، بالعكس أنا دايمًا بتأذى'.

واختتمت فضالي رسالتها بقولها: 'اللي عاوزه أقوله، محدش يعتمد على حد ولا يصدق حد ولا يثق في حد في الزمن ده. النفوس وحشة أوي، علشان كده أنا دايمًا لوحدي أو مع أمي وكلابي وبس لأن مفيش حد له أمان. ربنا يحرس الجميع من شر نفوس الناس'.

آخر أعمالها الفنية

يُذكر أن آخر أعمال منة فضالي كان مشاركتها في الموسم الرمضاني الماضي بمسلسل 'سيد الناس' من بطولة عمرو سعد، إلهام شاهين، أحمد رزق، خالد الصاوي، ريم مصطفى، رنا رئيس، صلاح عبدالله، نشوى مصطفى، بشرى، أحمد زاهر، إنجي المقدم، طارق النهري، وأحمد فهيم، وهو من تأليف ورشة «قلم»، وإخراج محمد سامي، وإنتاج صادق الصباح.