فيديو - مصطفى عنبة باكيا: تعليمي كان متوقف على جزمة ... وفي ست ساعدتني مش هنسى جميلها

دخل الفنان مصطفى عنبة في نوبة بكاء وهو يروي حكاية السيدة التي ساعدته في دخول مدرسة السياحة والفنادق، بعد حصوله على الشهادة الإعدادية بمجموع كبير.

وقال مصطفى عنبة خلال لقائه مع الإعلامية أميرة بدر في برنامج 'أسرار' المذاع عبر قناة النهار: 'مجموعي في الإعدادية كان 96% وكان يدخلني ثانوي عام، لكن أنا عارف ظروف أهلي وقلت أدخل صنايع، وكان بيطردوني من الصنايع علشان مجموعي'.

وأضاف عنبة: 'دخلت مدرسة سياحة وفنادق علشان أقدم فيها وكانت بتاخد بكشف الهيئة، وفي واحدة كانت مسؤولة عن كشف الهيئة قالت لي إنت شكلك كويس وإحنا مش طالبين منك غير قميص وبنطلون وجزمة'.

وتابع: 'مكانش معايا فلوس أجيب جزمة قالت هجيبهالك، أنا مش عارف اسمها إيه، وعمري ما هنسى جميلها، وقفت معايا علشان أكمل تعليمي، ونفسي أعوضها عن كل حاجة عملتها لي'.

يذكر أن آخر أعمال عنبة كان فيلم 'عصابة عظيمة'، بطولة إسعاد يونس، كريم عفيفي ورنا رئيس، محمد ثروت، محمد محمود، عنبة، وفرح الزاهد، تأليف هاجر الإبياري، وإخراج وائل إحسان.