مصطفى المصطفى يعلق على مشهد تقبيل قدمي أمل عرفة في شارع شيكاغو (فيديو)

أنضم لنا على تلغرام ليصلك كل جديد وحصري

مصطفى المصطفى يعلق على مشهد تقبيل قدمي أمل عرفة في شارع شيكاغو (فيديو)

تريند – فريق التحرير

أطل الفنان السوري مصطفى المصطفى بحديث روى فيه ما جرى في كواليس مشهد تقبيله قدمي أمل عرفة في مسلسل شارع شيكاغو.

وأجاب المصطفى في فيديو رصدته منصة تريند عن سؤال: 'ليه قبلت تقبل رجلين امرأة بشارع شيكاغو رغم موجة انتقادات تسببت فيها لأمل عرفة'.

وذكر الممثل السوري مجيباً رابعة الزيات: 'مو أنا .. الشخصية الي عم تعمل الدور، الشخصية بفعلها كتير طبيعي تعمل هيك شي صبي الرقاصة عايش معها طول الوقت'.

وأضاف: 'عايش معها بهي المجتمعات كلنا منعرف أديش هي بلحظة من اللحظات بتوديك لمحل مالو منيح أبداً'.

وأردف: 'مع مين قاعد مع مين عم ينمو هاد الطفل الي أمو تركتو وراحت الها مبرر' وسألته رابعة :'سهل عليك تقبل بهالدور؟'.

وأجاب مصطفى المصطفى: 'هو دور في ممثلين مابقبلو حقهم، أنا حبيت هالدور لأن غريب وفيو شي نفسي كيف أمو رمتو وظلمته ووصل لهي المرحلة'.

ورأى أن 'علاقته الصبي بسماهر الي هي أمل عرفة العظيمة بطريقة كتير كوميدية أضفى كاركتراً غريباً للشخصية و تصرفات غريبة كانت خارج الشخصيات الاعتيادية'.

وسألت رابعة مصطفى: 'وأنت وعم تبوس رجليها ضحكت ولا كان شعور مختلف' ليجيب: 'هاد ما كان مكتوب بالنص أنا الي اقترحتو كنت عم ساوي المشهد فصار فعل غريب'.

وتابع: 'بتعطيني مصاري وباخد مصاري بعدين بحس أن بدها تاخد المصاري الي عطتني ياهن فصرت بدي طري معها صارت هدايا بيولوجية بتجي وبعفوية ساويتو لمشهد تقبيل قدمي أمل عرفة'.

وأكمل عن موقف أمل عرفة وطليقها: 'اطلعت فيني بعد المشهد قالتلي ما أحلاك شو في عندك هيك فصل وقلي ياها نفسها عبد المنعم عمايري قديش تشبهنا أن تشوف المهنة منفصلة عندك كشخص'.

وكانت عرفة قد رفضت في لقاء سابق تسمية البعض لذلك المشهد بـ “الجريئ”، أو وصفه بأنه يحمل بعض الإيحاءات، مشيرة إلى أنه مبرر من ناحية علاقتها في المسلسل معه.

وذكرت الممثلة السورية أن المصطفى لعب دور الولد لشخصيتها “سماهر”، موضحة أنها بمثابة الأم له في العمل لأنها من قامت بتربيته والاهتمام به.