منتجة مصرية تكشف أسراراً بعد رحيل حلمي بكر.. وهذا سبب هجومها على أرملته وهند عاكف

حلمي بكر

كشف المنتجة ليلى الشبح، تفاصيل وملابسات شجارها مع الفنانة هند عاكف، خلال عزاء الموسيقار حلمي بكر، موضحة أن مدير أعمال حلمي بكر الذي سرق منه 2 مليون جنيه، هو زوج ابنة شقيقة هند عاكف.

موجهة رسالة لهند قالت فيها: 'كنتي قولي لزوج بنت أختك عيب ورجع فلوس الراجل، بدل ما يتجوزها بفلوس سرقها من الراجل، يعني تقهري الراجل وتيجي في جنازته؟ أحسبها إزاي؟ إن أنتي ومراته متفقين مع نور، أنتوا التلاته متفقين؟، ما أنتي جاية تبوسيها وتحضنيها'.

وتابعت: 'مش عارفة أقول إيه لهند عاكف هي مالهاش ذنب، بس نور جوز بنت أختك، وعارفة إن الدنيا كلها حصلت معاه وإنتي جاية العزاء، يا سبحان الله على الناس اللي مبتحسش، يقتلوا القتيل ويمشوا في جنازته'.

واستكملت: 'اللي أعرفه إن حلمي بكر كلم بسام قاله إلحقني أنا مخطوف، وأنا اتصلت وقالولي إنه مخطوف، وطبعًا بسام غير كلامه وإحنا عارفين هو عمل كده ليه'.

وأضافت: 'نور ده مش مدير أعمال حلمي بكر، هو قاله مشي اللي عندك وأنا همسك لك كل حاجة، وهو كان مخطط لسرقة الـ2 مليون جنيه، وحلمي كلمني وقالي هاتيلي الواد ده، ده ضحك عليا وسرقني، والمحامي بتاعي وبتاع حلمي رفع على نور قضية'.

وعن سبب شجارها مع سماح القرشي أرملة الموسيقار الراحل حلمي بكر، في عزائه بمسجد الحامدية الشاذلية، قالت الشبح إن الموسيقار لجأ لها لحمايته من القرشي.

وأضافت: 'أنا كنت قاعدة مع المستشار مرتضى منصور في العزاء، وبنتي كلمتني علشان نمشي وقالتلي بيتكلموا وبيغلطوا فيكي، فأنا روحت أسألهم بتغلطوا ليه؟ قالولي خلاص علشان العزاء، لقيت مرات حلمي بكر، بتقول مين ليلى حواوشي دي؟ هي مين دي أصلًا؟ لأ أنتي عارفة أنا مين كويس أوي، وعارفة أنا عارفة عنك إيه من حلمي، كل حاجة بتعمليها حلمي حكاها ليا بتفاصيلها وناسها، أنتي وغيرك الناس اللي معاكي عندي'.

وأضافت: 'حلمي بكر لجأ ليا من كام سنة وقالي الست دي بتعذبني وخدت بيتي وطردتني، رجع قالي أنا صابر وقاعد علشان بنتي، وبعد كده رجع لها الشهور اللي فاتت، وطبعًا هي حبت إنه يكتب الشقة باسمها ومعرفش بصراحة عملت له أعمال ولا لأ علشان يكتب عليها تاني'.