مؤلفة "لعبة جهنم": "علاء" لم يكن رجل دين بل كان مدعي

ردت نجلاء الحديني مؤلفة مسلسل 'لعبة جهنم' على الاتهامات التي طالت المسلسل بسبب ظهور شخصية بطل العمل محمد فراج متدين ويعمل بالمسجد ورغم أن الشخصية الأصلية لم تكن كذلك

قالت نجلاء الحديني: 'في سؤال متكرر إن احنا قدمنا (علاء) إنه نموذج لرجل الدين، حابة أوضح إن اللي حصل على العكس تماما من كدة، هو كان من البداية مقدمينه إنه انتحل الصورة دي وبيستخدمها بس عشان يكسب ثقة الناس واحترامهم، ودي كانت نقطة مهمة جدا في الشخصية، وواضحة في الأحداث'.

وأضافت: إحنا بنقول يا جماعة في فرق بين التدين الحقيقي وشخص بيستخدم مظهر التدين عشان يغطي على أفعاله، كمان في شيخ حقيقي في الزاوية هو اللي عرف أنه علاء نصاب ومدعي، ومعوش ثانوية أزهرية زي ما كذب، وفي النهاية عرف إنه حرامي وبيسرق، وطرده وحذره إنه يتكلم في الدين مرة تانية.

واستكملت نجلاء الحديني: ودي حاجة بنحاول نأكد عليها إنه منصدقش أي صورة بيقدمها شخص عن نفسه لمجرد إنه بيعرف يقنعنا بيها.

وقدمت حكاية 'لعبة جهنم' قضية 'الدارك ويب' التي أثارت جدلال كبيرا خلال العامين الماضيين، بعدما قام شاب بقتل طفل صغير بالاتفاق مع طفل آخر لتقطيع جسده وأخذ أعضائه وبيعها وتصوير فيديو للعملية ونشره على 'الدارك ويب'.

ومسلسل 'القصة الكاملة' يتكون من 5 حكايات، كل حكاية 3 حلقات، تعرض حكاية واحدة كل شهر.

وحكاية 'لعبة جهنم' بطولة محمد فراج وعمر رزيق والطفل منذر مهران وغادة طلعت وكريمة منصور، ياسر عزت، والعمل من تأليف نجلاء الحديني وإخراج إسلام خيري.