لايف ستايل
موقع كل يوم -في فن
نشر بتاريخ: ٢٥ تشرين الثاني ٢٠٢٤
يستضيف مهرجان القاهرة السينمائي الدولي بدورته الـ45، جلسة نقاش حوارية مع النجم عمرو سعد، يديرها الناقد رامي عبد الرازق، ضمن فعاليات أيام القاهرة لصناعة السينما.
يتحدث النجم عمرو سعد عن أبرز مشاهير الفن والأدب الذين أثروا على حياته وتجربته الفنية، ويقول: 'شوفت نجيب محفوظ وأنا عندي 18 سنة، اتكلمت مع أحمد زكي ومحمود عبد العزيز وعادل إمام، شوفت قامات كبيرة جدًا من الكتاب والعظماء، شوفت إزاي نجيب محفوظ عظيم كده، اضطريت أقرا لأني بقيت بشوف قامات كبيرة وحسيت إني بقول كلام ساذج وقتها كطفل فبقيت اقرا عشان اتطور'.
يتابع: 'شوفت الأستاذ يوسف شاهين ويسري نصر الله بيشتغل إزاي، واحتكيت بالصناع وده فادني إني أزود ثقتي بنفسي لكن ضرني لأن بعد كده لما مشيت في السوق المصري لاقيت قسوة رهيبة، لو عايز تقيم إنسانية شخص شوفه إزاي بيعامل المحيطين به، في بلدنا النجاح مش تراكمي وبختك على دراعك لازم إنت تصنع نفسك'.
ويصف عمرو سعد رؤيته الفنية التي اكتسبها تجاه التمثيل وعوالم السينما والدراما: 'التمثيل فيه قدر عالي من الذكاء والقدرة على تفعيل الإحساس، اتعلمت الفرجة من صديق ليا، وبقيت أتفرج على الأفلام العالمية بطريقة مختلفة وبشكل جدي في التذوق الفني، ضروري نتعلم إزاي نتذوق الفنون، والاختلاف بين الممثلين وفريق التمثيل ومدارسها ولاحظت أن التعليم السينمائي في مصر تحديدًا غائب حتى إن تكنيك التمثيل في معهد المسرح مختلف عن التمثيل الدرامي التلفزيوني فأدركت إن عندنا اجتهاد شخصي من هؤلاء النجوم هما اعتمدوا على نفسهم وإدراكهم للتفاوت بين مدارس التمثيل'.
يضيف: 'وقتها حلمت أكون ممثل يقدم مستوى متطور من التمثيل وده هيتحقق لما تهضم تجارب كثير من مدارس المختلفة في التمثيل وتفهم حقيقة Star Power إنك تقيم كل ممثل بجرأة مع إمكانياته وقدر توصيله للشخصية اللي بيمثلها على الشاشة، عشان كده أعمالي قليلة، واعتذرت كتير عن أفلام ومسلسلات كتير عشان مش عايز حد يقول ممثل غيره كان ممكن يقدم الدور أفضل منه ولا يجرؤ أحد إن يقول هذا على أعمالي اللي قدمتها'.
يجدر الإشارة بأن الدورة الخامسة والأربعين من مهرجان القاهرة السينمائي تشهد مشاركة 190 فيلمًا من 72 دولة بالإضافة لحلقتين تلفزيونتين، بينما تشمل الفعاليات 16 عرضًا للسجادة الحمراء، و37 عرضًا عالميًا أول، و8 عروض دولية أولى، و119 عرضًا لمنطقة الشرق الأوسط وأفريقيا.
وكرم المهرجان خلال حفل الافتتاح ثلاث شخصيات سينمائية بارزة تضم المخرج المصري يسري نصر الله، الذي منح جائزة الهرم الذهبي التقديرية لإنجاز العمر، تقديرًا لمسيرته الفنية الحافلة، والنجم أحمد عز، بمنحه جائزة فاتن حمامة للتميز، كما تم تكريم المخرج البوسني دانيس تانوفيتش، الذي يترأس لجنة تحكيم المسابقة الدولية.
